Så måtte eg til slutt ut på sjøen igjen. Det har vore heilt utruleg fint å vera heima så lenge (skulle vel bare mangla…), men eg må nesten tena litt pengar igjen og (eller, gjera jobben eg får pengar for). Uansett, eg er no i Kristiansund på ny båt – OSV Relume.

Har fått eit godt inntrykk av folka ombord så langt (det er britisk brumannskap medan resten av båtmannskapet er filippinske, EMGS folka er ei god internasjonal blanding), maten har vore god (eg har starta bra med laks til middag), spinningsykkelen fungerar fint (5×4 min intervall), bordtennisbordet er i betre stand enn det som er på Angler, lugaren har eg for meg sjølv, og den er mykje større enn dei på Angler. Så det lovar bra slik sett. Men det blir tøft og trist å vera så lenge vekke frå Kanutte og Anniken Men det blir veldig fint å ha heilt fri og tid til å vera i lag med dei når eg kjeme heim.
Blir ikkje nokon lang post i dag, reknar med at det blir meir å fortelja når eg/vi faktisk veit kva vi skal gjera (ein ting som er sikkert er at vi i kveld sette kursen mot nord og Tromsø, og det blir mest sannsynleg ein jobb på eit par veker der oppe) og eg får sett litt meir og danna meg eit betre inntrykk av båten. Det kjeme sikkert bilete av diverse etter kvart.

11. oktober
Ikkje så veldig mykje spanande å fortelja i dag. Vi er på veg mot Tromsø, men har brukt storparten av dagen i dag til kalibrering av navigasjonsutstyr, så vi går ikkje så mykje på fram. Men reknar med at vi snart er ferdige med testinga, og at vi difor er framme i Tromsø på lørdag kveld. Eg veit ikkje kor lenge vi eventuelt blir liggjande der før vi sette kursen ut mot området vi skal jobba i. Det er meldt dårleg ver på søndag, så kanskje vi kan bli liggande ein dag i Tromsø.
Eg la meg veldig tidleg i går kveld, men sov ikkje så godt så det blir nok tidleg til køys i dag og. Skal sjølvsagt sykla litt først. I tillegg fekk eg 3000 meter på romaskina og litt styrketrening før frukost, noko som var utruleg slitsomt (treninga, ikkje frukosten…). Eg har ikkje vore flink nok til å ta armhevingar og sit-ups medan eg har vore heima…

12. oktober
Vi seglar stadig mot Tromsø, skal visstnok vera framme i morgon tidleg. Veit framleis ikkje om vi blir liggande lenge der, men kan jo håpa eg får sett meg litt omkring. På vegen (blir kanskje litt feil med veg…) vår seglar vi ei indre rute som vil sei at vi har hatt heile Lofoten frå Røst og inn på babord side, medan fastlandet ligg til styrbord. Utruleg flott natur, fjell som stig rett opp av havet, snø på toppane (og lenger ned). Må definitivt få ein ferie her oppe ein gong. Eg har teke ein del bilete, men har ikkje lasta dei inn på pcen endo. Får sjå om eg kan få gjort det etter syklinga i kveld (som blir ganske snart). I går eg auka eg til 5×5 minutt intervall og skal prøva meg på 5×6 minutt i dag. Elles så er det veldig kjekt med mobildekning når vi er så nær land. Litt enklare og betre enn med satelittelefonen.

13. oktober
I dag kom vi inn til Tromsø, men vart ikkje liggande der særleg lenge. Etter bare eit par timar til kai var vi på veg ut mot Barentshavet. Men reknar med det blir opptil fleire moglegheitar for at vi må inn til havn igjen på grunn av dårleg vær, og då får vi nok planta beina på land.

Det er snø her oppe og framleis heilt utruleg flott. Har nesten forelska meg litt i alle fjella og draume om å sitta i ein liten båt med skikkeleg kamera og ta masse bilete Eller stå på ski på kvar ein topp… Har fått teke nokre bilete, men med kompaktkamera er det ikkje akkurat lettare å fanga den vakre naturen.
Det blir vel til at vi byrjar med å gå skift no, eg skal gå dagskift så det er i alle fall fint i forhold til å halda kontakten med dei som er heima.
No er det snart middag, etter den reknar eg med å kanskje sykla litt og så får eg sjå kor mykje det er å gjera før midnatt (eg må uansett vera vaken ved skiftbytte, men kanskje eg ikkje trenge vera oppe heile tida i mellom…)

14. oktober
I dag har eg hatt utruleg god tid til å skriva her, men kjedar meg litt for mykje til at eg har gidda å faktisk gjera det. Eg vakna tidleg av at båten starta baugpropellane, noko ein høyre veldig godt på lugaren min dessverre. Sov ikkje særleg godt etter det (som var i 4-tida), så eg har vore trøytt og hatt hovudverk i stort sett heile dag. Men lyden blir vel ein vane og hjernen filtrerar han nok snart vekk som støy eg ikkje treng bry meg om. Elles så sykla eg rett etter at eg vakna (4-5-6-6-5-4 min intervall) noko som eg syntest var ein god start på dagen. Trur det blir slik eg kjeme til å gjera det framøve, med sykkel om morgonen og litt styrketrening etter skiftet. No er klokko snart åtta og eg trur eg skal legga meg nedpå køya ein halvtime og sjå om hovudet blir betre.

15. oktober
Sykla 4×8 min intervall før frukost, lest mykje i boka mi – er no i den fjerde boka i Robert Jordan sin serie “The Wheel of Time”. Dei blir faktisk litt betre etterkvart, angrar nesten på at eg ikkje tok med meg den femte. Eg har og byrja på “The God Delusion” av Richard Dawkins. Morosam og ei bok dei aller fleste burde lesa. Elles er det ikkje mykje å fortelja, vi droppar mottakarar og kan forhåpentlegvis byrja med tauing i morgon ein gong og då få gjort to linjer før det skal bli dårleg ver på torsdag (no er det heilt supert, dvs overskya og bare bittelitt bølgjer). Og eg har byrja på “Song for dagen” igjen.

16.-18. oktober
Eg har visst vore litt lite flink til å oppdatera reisedagboka i det siste. Det heng mest saman med at det eigentleg ikkje er/har vore noko å fortelja. Vi har no taua to linjer, noko som har betydd framleis rolege dagar for meg som FG. Det kjem til å bli travelt no når vi får tatt opp mottakarar, men akkurat no er det for dårleg ver til at vi kan gjera det og dermed har eg ikkje noko særleg å gjera (litt ulike sjekkar av diverse data har eg gjort, men no er det ingenting anna enn å venta igjen…). Men det er heldigvis ikkje så dårleg ver at det er ubehageleg ombord.
Elles så har dagane gått til å lesa mykje i boka (”The Shadow Rising”) som no byrjar å bli ganske så oppslukande og trena litt (sykla 4×8min på tysdag og 5×5min i dag + styrketrening kvar dag, onsdag måtte eg vaska sykkelklea så eg fekk ikkje sykla då). Meir er det vel ikkje å fortelja eigentleg…

19. – 21. oktober
Lika flink som alltid til å oppdatera her… Det har ikkje skjedd stort, vi har som sagt taua to linjer og teke opp mottakarane for den eine linja. Det blei litt å jobba med då, men ikkje spesielt travelt då det blei dårleg ver og vi ikkje har gjort noko anna før i dag (21.). No har vi byrja å taua den tredje linja, reknar med å bli ferdige med den i morgon tidleg om alt går som det skal. Med ein gong vi er ferdige med den kjeme vi til å setja kursen mot Tromsø for å søka ly frå det dårlege veret som er venta resten av veka (fram til fredag mest sannsynleg).
Elles så går det mest i trening (sykling sjølvsagt), lesing av bok (blei ferdig med bok 4 i Wheel of Time-serien i dag) og bordtennis (det er starta ei turnering ombord, eg vann utruleg nok den første kampen mot ein fillipinar som tok altfor lett på oppgåva. Mange av dei er frykteleg gode så eg ryke nok ganske så glatt ut i neste runde).
Det blir litt fint å få nokre dagar i Tromsø, men veit ikkje heilt kva vi skal finna på. Det ser ikkje ut til at det er skiføre der dessverre. Og det hadde vore hyggjeleg å bare bli ferdige med jobben… Skal prøva å oppdatera litt oftare, kan henda eg kan få teke nokre bilete frå Tromsø dei neste dagane.

22. – 26. oktober
Ehhh… blei ikkje akkurat flinkare til å oppdatera no medan vi har vore i Tromsø. Det har ikkje vore så veldig travelt på oss, men litt har det vore heile tida så vi har ikkje gått arbeidsledige. Det har blitt ein del kabellegging og diverse anna småarbeid på meg, noko som har vore heilt greit, får vore i aktivitet og tida går relativt fort. Sjølv om dagane nok hadde gått raskare om vi hadde vore i produksjon ute. Det ser ut til at vi blir liggande i alle fall til mandag no, men om vermeldinga endrar seg til det betre kan jo det endra seg og. Elles så har ein annan av EMGS sine båtar – Mollie – vore her i Tromsø ei stund og. Kjekt å treffa litt kjentfolk og fått sett litt på den båten og. Ganske glad eg er her på Relume
Eg har vore litt lite flink til å trena desse dagane. Vi jobbar 8-18 og då er det lite tid til å få trent om ein og vil ta seg ein tur i land. Men eg har fått sykla nokre dagar og litt styrketrening tek ikkje så lang tid. I dag er det første dagen med opphaldsver så eg har tenkt meg ut på ein joggetur i måneskinn. Er eg heldig får eg sett litt nordlys og. Trur eg tek med meg kameraet så kanskje det kan bli nokre bilete. Men først må eg la middagen synka litt.

27. oktober
Ei kort oppdatering med nokre bilete eg tok i går kveld. Eg kom meg ut på ein flott joggetur og fekk oppleva eit flott nordlys undervegs.

28. oktober
Då er vi endeleg på veg ut igjen. Det har vore greie dagar i Tromsø, fått gjort litt anna enn å sitta framfor datamaskina heile dagen. Eg har snekra masse i og til den nye arbeidssjappa vi har laga til teknikarane. Kjekt å få gjort litt praktisk og få vera litt kreativ. Men som sagt, vi er endeleg på veg ut igjen. Vi reknar med å vera framme i arbeidsområdet i 3-tida i natt og då blir det heilt sikkert nokre hektiske dagar før det blir dårleg ver igjen.
Det blir og fint å koma inn i skiftrytmen igjen og få tid til å trena litt. Eg har som nemnd tidlegare vore litt slapp denne veka vi har vore i Tromsø. Og forhåpentlegvis kan eg bli litt flinkare til å oppdatera her og “Song for dagen” som eg heller ikkje har vore noko flink til i det siste.

29. oktober
Veldig roleg dag i går, såg film (Illusjonisten, ok), tv-seriar (battlestar galactica + CSI), vann bordtenniskamp (klar for semifinale i bordtenniscupen). Sykla i dag tidleg (5×6 min intervall). Mykje å gjera i dag, vi plukkar opp mottakarar og eg må prosessera data. Det tek lang tid sidan dei har stått ute så lenge.

30. oktober
Nordlys! Det var eit utruleg flott skue i går kveld. Nordlyset var sterkt og fargerikt medan det dansa over himmelen. Men som alltid skulle eg hatt eit skikkeleg kamera (og eit stativ som ikkje rører seg fleire meter opp og ned heile tida…
Sykling (15×2 min intervall). Ikkje så travelt i dag, mest å sjå øve data og senda til land.

31. oktober
Roleg dag (vi tauar), sykling (5×8min intervall), sett film (Grizzly Man, ikkje meir enn grei, hadde håpa den var betre). Lest bok (framleis “The God Delusion”).

01. november
Lite å fortelja, litt tankearbeid på byrjinga av skiftet, men etter middag har det vore lite, vi ventar på betre ver så vi kan plukka opp mottakarar. Då blir det nok straks meir å gjera.

02. november
Masse problem med prosessering, frustrerande, alt tek lang tid. Litt snø, kaldare,

03. november
Ikkje mykje spanande, framleis arbeid med prosessering av data. Les ny bok “Alle orkaners mor”, niande bok i Gert Nygårdshaug sin serie om Fredric Drum. Bordtenniskamp (semifinale) tap/siger?

04. november

05. november

06. november

07. november

08. november

09. november

10. november

11. november

So var fem veker gått. Rettare sagt så har eg faktisk hatt fri i nesten seks veker denne gongen i og med at det blei tidleg heimreise frå Brasil. Eg reiste då via Madrid og Kanutte kom ned der og vi hadde nokre flotte dagar der. Men no er det altså tilbake igjen på båten, som i dag faktisk skiftar namn til “Stad Angler” då den er seld til eit nytt reiarlag. Eg reiste tidleg i dag i frå Gardermoen og til Bodø og gjekk på ved kai her. Eg veit foreløpig ikkje noko meir om kva som skjer framøve, kor lenge vi blir her nord, men reknar med at heimreisa i juli blir frå Canada.

Nett no vekslar det litt mellom å kjennast frykteleg lenge til 11. juli og at dette kjem til å gå fort. Forhåpentlegvis blir det jo det siste som blir gjeldande til slutt… Eg skal gå natteskift igjen, så medan vi er her i Norge er det litt keisamt med tanke på kva tid folk flest er oppe og tilgjengelege på msn. Men fram til no har vi ikkje hatt internettilgang så da har ikkje vore da stora problemet… Det er og forklaringa på kvifor eg er litt sein med å oppdatera sida, men kanskje ikkje på kvifor eg ikkje har rukke og skreve noke på dei fem vekene eg har hatt fri og vore heima. Får skulda på oppussing av (barne)rom, fint ver, at eg har vore to turar heima, sykla ein del og og litt på at eg har vore generelt lat Men eg reknar med at eg no skal få tid og lyst til å skriva litt her kvar dag og ta opp igjen “song for dagen”.
No e klokko ti på ti på kvelden og eg burde vel strengt tatt sove og ikkje lege i køya og skreve detta, men etter at eg vakna klokko halv ni etter bare to og ein halv time med søvn har eg ikkje klart og sova igjen. Litt kjedeleg, og eg blir nok trøytt i natt, men reknar med at eg skal klara å snu døgeret i løpet av morgondagen. Det har i alle fall ikkje vore noko problem før. Men no må eg prøva og sova litt, berre 35 dagar igjen!

07. juni
Natto har so langt gått frykteleg treigt, og endo har vi bare så vidt passert halvvegs i skiftet (klokko e litt øve halv sju no når eg skrive detta). Internett fungerar endo ikkje, noko som gjere at alt går endo litt treigare, men forhåpentlegvis byrjar folk å stå opp på land og no, så då blir det kanskje ei råd med det. Elles så har eg lest ein heil haug med gamle epostar og diverse dokument frå det mannskapet som gjekk av, mykje nytt som har skjedd sidan sist, så det er litt å ta fatt i.
Det er foreløpig veldig bra ver og så vidt antyding til bølgjer (ja, vi har forlete Bodø) så om det fortsette slik blir det bra.
No tek det veldig lang tid å skriva, då eg må retta annakvart ord for feilstavingar. Eg byrjar å bli litt trøytt, fekk ikkje sove meir enn omlag to timar i går kveld, blir bra å leggja seg ein gong etter skiftet. Men eg var utruleg flink og sykla faktisk ein halv time i går kveld før eg gjekk på sidan eg likavel ikkje fekk sova. Så slik sett byrjar jo turen bra.
Det er litt rart å gå ut på dekk no. Det er heilt feil temperatur i høve til det “skal vera”, det vil seia korleis det var i Brasil. Det “skal vera” varmt og klamt på dekk, ikkje kaldt som her. Det blir ekstra rart når alt ser likt ut, det er framleis blå himmel og stille hav, men temperaturen når ein går ut er heilt feil, og eg trur eg skal kle på meg noko litt meir i enn shorts og t-skjorte i morgon.

08. juni
Det har vore ei veldig roleg natt, i alle fall for meg. Vi har sett ut mottakarar, akkurat ferdige med det, og sidan vi no har bra med folk ombord, har ikkje vore med på den operasjonen. Litt kjedeleg, men vi får nok bra med ting å gjera vi og etter at vi er ferdige med tauing. Det startar vi vel med i løpet av nokre timar, så kanskje vi kan få data å arbeida med i løpet av neste skift
Som sagt så har vi nok folk ombord, det vil seie at eg ikkje har lugar for meg sjølv denna gongen heller. Vi er foreløpig tre FG’ar, ein heilt ny. I tillegg er det fleire nye i andre stillingar. Og heldigvis er det maritime mannskapet det same, var redd det kunne bli store utskiftingar der i og med at det er eit nytt reiarlag for båten no.
Eg var heldig før eg reiste ut og fekk bursdagsgåve på førehand av Kanutte (og babyen). Eg fekk ei fin lita tekanne og kjøpte meg litt te, so no får eg laga meg skikkeleg te på natta. I natt blei det ein eple og kanel-te som var ganske god. Elles så fekk eg sjølvsagt sykla litt (5×4min) i går før eg la meg (sov veldig godt forresten), og eg har og tatt opp igjen den lette styrketreninga eg byrja med på sist tur. Fekk ikkje gjort så mykje av det då eg var heima, så det var litt slitsomt No er det snart frukost og skal eg rekka styrkeøvingane mine før den må eg nesten starta no…

09. juni
Det har vore ei roleg natt i natt og, men plutseleg skjedde det ein del, det vil seia at eg fekk data å jobba med, så no e klokko to på tolv og eg skal eta lunsj/middag og eigentleg ikkje sitta ved datamaskina meir i dag. Så det blir ei kort oppdatering. Som sagt fekk eg litt data å arbeida med no på slutten av skiftet og det er jo kjekt.
Eg veit ikkje heilt kva eg skal finna på etter lunsj, det er mykje sol og fint ver, men eigentleg litt for kaldt til å vera ute, noko som er kjedeleg. Men kanskje prøve eg meg på ein liten time ute med ei bok før det blir trening I går blei det 6×5min intervall der annakvart var sitta og stå.
Elles så ete eg frykteleg mykje frukt for tida, mykje meir enn 5 om dagen i alle fall, nærare 10. Sikkert sunt. Og når eg snakkar om mat så kjeme eg på at det er pizzalaurdag i dag, så eg må skunda meg
Så til slutt blir det bare eit stort GRATULERA MED DAGEN ANDREAS! Og gratulera med dagen til Georg og.

10. juni
Skiftet i natt har gått fort, og klokko nærmar seg fort lunsj, så nok ein gong blir det ei kort oppdatering. Eg har stort sett prosessert data i heile natt, så det er eigentleg ikkje mykje meir å seia. Veret helde seg framleis ok, det er skya, men sjøen er flat og silkemjuk. Det endrar seg vel sikkert tidsnok til det verre.
Etter lunsj skal det vera ein “forlat skipet”-øving, så det blir vel ikkje tid til så mykje meir enn det og trena før eg skal legga meg igjen (i går blei det 4×7min ståande intervall pluss eit hardt 2 minuttars intervall til slutt).

11. juni
Kva skal eg sei? Ingenting spanande har skjedd. Litt rutinearbeid, ein god kopp te, eit par episodar med Scrubs og eit kapittel i boka (”Jonathan Strange & Mr. Norrell”, som eg har lest på sidan sist tur) summerar vel opp skiftet så langt. Og no er det bare ti minuttar til lunsj så det er tvilsamt at det skjer noko meir å fortelja om. I går fekk eg trent litt på sykkelen, hadde tenkt til å ta 6×6minuttar sittande, men det venstre kneet er litt kjedeleg, og trenge godt med oppvarming før det fungerar skikkeleg når eg site og trør. Difor blei det 2×6minuttar ståande intervall, så tre intervall med først eit minutt ståande, så eit minutt styrketrakk på venstre bein, så høgre bein eit minutt og det same ein gong til, før intervallet blei avslutta med eit nytt minutt ståande sykling. Til slutt avslutta eg med eit nytt 6 minuttars intervall… I dag skal eg ha “kviledag”, noko som betyr styrketrening og pull-ups på klatrebrettet. Blir vel tid til ein film eller meir boklesing og før eg skal legga meg.

12. juni
Ikkje så mykje å fortelja i dag heller. Det skjer jo sjølvsagt ein del, vi er i produksjon, men klienten vi jobbar for er veldig påpasseleg med at vi ikkje skal gje frå oss noko som helst informasjon. Så da…
Men at eg såg “Bandidas” i går kan eg nok fortelja. Den var ikkje spesielt bra, men grei tidtrøytte før treninga. Eg skulle ha kviledag i går, så då blei det berre styrketrening. Men det blei ein del lengre enn eg hadde tenkt (hadde ikkje med klokka), og då eg var ferdig hadde eg trent i ein og ein halv time. Kjenne det litt i armane i dag
Veret her ute er ganske bra i dag, ein liten kjølig bris, men faktisk litt sol, så eg har i alle fall vore litt ute, men det blir altfor lite frisk luft Etter at vi er ferdige med jobben der vi e no og skal til Canada er siste ryktet at vi skal innom Kristiansund, men foreløpig har eg ikkje nokon ide om kva tid det blir.
Etter lunsj trur eg det skulle vera eit HMS-møte/kurs som alle måtte vera med på, så det blir vel ikkje tid til så mykje anna enn det og sykling. Men sånn går no dagane, og det minkar på dei.

13. juni
Dagane her ute er no framleis like frå ein dag til ein annan. I natt har det heldigvis vore ein del å gjera, så skiftet har gått fort, faktisk snart lunsj
Eg har, sjølv om eg ikkje har vore mykje ute på dekk dessverre, studert fuglane bittelitt. Det er faktisk ganske mange av dei (ein eller annan type måke), og dei er nokså grasiøse der dei svevar fort, fort mellom bølgjetoppane. Dei er som regel ikkje meir enn ein halvmeter øve havet i jakta på ein uskuldig fisk. Men som sagt er det “mange” av dei, og då lure eg litt på om det faktisk er så mange overalt, eller om dei trur vi er ein fiskebåt og difor held seg i nærleiken i vente på at vi skal dra opp trålen (som vi sjølvsagt ikkje har). Det var dagens betraktning av fuglar
Eg trena sjølvsagt litt i går og, og det blei 6×4 minuttar med intervall på sykkelen i tillegg til den vanlege morgontrimmen med 4x(20situps+15pushups+15liggapåryggenogløftabeinaopp+15løftarygg+10benkpress puh!) før frukost. I dag blir det vel kanskje 6×5minuttar intervall.
Det er som sagt snart lunsj/middag og skal eg få gjort noko meir konstruktiv websurfing må eg byrja no…

14. juni
Eg skjønar ikkje korleis natta går så fort. Plutseleg er klokko passert halv tolv og det er tid for lunsj. Men eg klagar på ingen måte på det! Eigentleg har eg ikkje tid til å skriva noko meir no, så kanskje eg får utruleg mykje å fortelja i morgon?
Og treninga i går vart igjen intervall på sykkelen (4-5-6-6-5-4 min).

15. juni
Gratulerar med dagen Gro!
Trur ikkje det er meir å sei i dag. Dagane og nettene går fort, vi har meir enn nok arbeid no. Stor kontrast til dei to forrige turane, men det blir heldigvis ikkje stressande, i alle fall ikkje endo. Og så er det fint når utstyret fungerar, i alle fall stort sett heile tida. Og i dag er sjøen bortimot heilt roleg igjen. Men no skal eg opp og eta lunsj…
Trening i går var forresten 4×8min intervall…

16. juni
Tida går so fort. Klokko har igjen passert elleve og det er snart lunsj, og i dag er det pizzalaurdag. Berre tre igjen no. Meir er det ikkje å fortelja i dag heller, det er liksom ikkje så mykje nytt som skjer, og ikkje er det noko særleg eksotisk plass vi er på heller. Det blir kanskje endo mindre spanande sidan eg stort sett e innomhus. Temperaturen fristar ikkje til å vera ute i, så sjølv om veret elles e bra så blir det til at eg er (altfor mykje) inne. Men i går sat eg faktisk ute i ein liten halv time og las bok (framleis “Mr. Norrell & Jonathan Strange”, byrjar å bli litt spanande, skulle vel bare mangla etter øve 600 sider). I dag skal eg ha kviledag frå syklinga (i går sykla eg 2×6min ståande intervall, 3x(1min stå 4min styrketrakk, 1min stå) + 1min stå. Kjenne styrketrakka litt i låra, og litt i venstra kneet, men det e mykje betre no når eg har sykkelsko og ikkje joggesko som på dei tidlegare turane.
Men, no e da tid for pizza!

17. juni
Eg har ingen ide om kor 12 timar har forsvunne til, men da e av ein eller annan mystisk grunn so mange timar sidan eg stod opp og da betyr at det er tid for lunsj og fri. Har jobba bra heila natta med diverse rapportskriving og prossessering av data.
Etter lunsj blir det ei eller anna HMS-øving og so må eg sykla igjen (i går var det berre styrketrening og bordtennis).

18. juni
Stress i dag. Mykje å gjera, enkelte ting som ikkje fungerar som dei skal, i alle fall på slutten av skiftet, så eg er ganske trøytt og lei – litt lyst heim og slappa av i sengo heima akkurat no. Uansett så e da snart tid for lunsj og fri i tolv timar, så det blir i alle fall litt bra. Skal vel trena litt i dag og, sikkert trappeintervall (4-5-6-6-5-4). I går blei det 6×4min.

19. juni
Ikkje noko nytt her ute i frå. Vi er, om alt går etter planen, ferdige her vi er no i morgon til lunsj. Faktisk har alt gått etter planen til (planen har jo sjølvsagt endra seg litt undervegs, men det er ingenting som vi eller utstyret har skuld i som har endra planane). Det blir mest sannsynleg ein liten tur innom Kristiansund på fredag for forsyningar før vi skal ut i eit nytt område og gjera to korte jobbar før vi skal til Canada. Meir har eg vel ikkje å fortelja no, klokko e uansett lunsj so eg går no

20. juni
såg ein kval, sykla før skiftet sidan det var nokon som arbeida i treningsrommet på dagtid, spelte bordtennis, har fått ei (lita) senebetennelse i høgre handledd, ikkje styrketrening før frukost, kanskje etter lunsj. Klare for ein liten tur i land.

21. juni
Det blir berre korte oppdateringar på grunn av senebetennelsa, prøver å belasta den minst mogleg. I går spelte eg meir bordtennis (forsiktig med armen) og sykla (styrketrakk intervall) og elles lite. No er klokko akkurat passert sju, det er snart frukost og vi kan sjå land! Det blir inn til Kristiansund i dag, men eg reknar med vi reise ut igjen i kveld, då mot Nordsjøen.

22. juni
E litt treig med å oppdatera for tida. Vi var inne til Kristiansund i går, var godt å få ein tur i land, strekka litt på beina, eta ein softis i sola og sett litt andre folk enn dei som er på båten. Ein kan gå litt lei av å bare sjå dei same ansikta heile tida. Elles så har eg hatt fridag i dag frå trening. Vanlegvis skulle jo det ha betydd styrketrening, men sidan eg har fått denna kjedelege senebetennelsa og var i land til klokko var tre fann eg ut at det var best å ta heilt fri.

23. juni
Det er faktisk pizzalaurdag igjen! Det betyr at vi no er halvvegs, tida har verkeleg gått fort. Får håpa det går lika raskt den siste halvdelen og, sjølv om det kanskje blir litt lengre dagar på overfarten til Canada, når den ein gong startar. Akkurat tidspunkt veit eg ikkje noko om, men vi skal til ein stad som heiter St. Johns. Det er vel fare for at det blir litt meir sjø enn vi har hatt til no, i dag er det så stille som det er mogleg å få det midt på havet (nesten i alle fall).
Det blei trening på meg igjen i går, 6×5min sykkelintervall som gjekk ganske så fint. Eg fekk kjøpt meg noko støttegreier til handa så eg skal få minst mogleg belastning på denne. Trur det hjelpe.
Elles så ser vel alle at eg ikkje skrive så mykje her, er framleis ikkje så mykje spanande å fortelja om. Men eg prøve å koma med eit forslag til ein “Song for dagen” kvar dag.

24. juni
Eg bør vel eigentleg oppdatera tittelen på denna posten sidan vi for to dagar sidan passerte eit ganske stort “Troll“, noko som betyr at vi no tøffar rundt i Nordsjøen. Tøffar rundt er vel litt upresist, sidan vi er i produksjon og gjere “fornuftige” ting, i alle fall betalte ting. Men eg slappar ganske godt av sidan vi (FG’ane) er ferdige med arbeidet vårt i tilknytning til dei første oppdraga, og no berre må(kan i alle fall) sitta roleg og venta på data medan vi tauar. Eg har forresten kjørt litt fisk eg og i natt, så litt fornuftig har eg gjort, i tillegg til å læra meg litt Matlab og Excel. I tillegg har eg byrja på den tredje boka denne turen, no er det “Neil Gaiman” si “American Gods” (takk for lånet Øystein). Eg blei endeleg ferdig med “Jonathan Strange & Mr. Norrel”, den tok seg ein del opp frå side 600 sånn ca. Eg har kome fram til ei samanlikning mellom bøker og måleri: om ei verkeleg god bok er (i språk, skildringar mm) som å eit flott måleri er det å lesa “J. S. & Mr. N.” som å sjå på at måleriet bli måla. Resultatet er bra, men prosessen er ikkje så viktig, eller noko slikt. Den andre boko eg las var “Det niende prinsipp” av Gert Nygårshaug, ei bok i serien hans om den mat- og vin- glade kode/oldtid/deschiffering-eksperten Fredric Drum (og kriminaletterforskaren Skarpehedin Olsen, men han er ikkje med i denne boka). Historia er satt til Egypt og er ganske så spanande og, som vanleg når det gjeld Fredric Drum, inneheld det mykje mystikk og metafysikk og gamle kulturar. Eg har med meg endo ei bok i serien, og gler meg til den.
Elles så blei det sykkeltrening i går og (6×5 min, fekk køyrt eit par av intervalla sittande og det gjekk bra med kneet), eg trur høgre handleddet kjeme seg, kjenst ut som om støttetingen eg kjøpte i Kristiansund hjelpe. Og så er det meldt litt vind her i morgon kveld/natt til tysdag. I følgje met.no er 50 knop full storm. Blir spanande…

25. juni
Eg er som dåke sikkert har oppdaga, litt treig med å oppdatera her for tida. Det er vel, som eg har sagt tidlegare, fordi det ikkje skjer noko særleg spanande eller nytt i høve til dei forrige turane. Det blei heldigvis ikkje så gale ver i går kveld som det først var meldt, og eg sov no uansett gjennom alt og er i live
/p>

26. juni
Vi er ferdige i Nordsjøen, i alle fall den delen som er utanfor norske kysten, og surfar no på bølgjene mot Danmark. Vi skal ikkje heilt inn til kysten, blir faktisk i norske farvatn framleis. Det blir eit nytt oppdrag, denna gongen på veldig grunt vatn, blir spanande, raskt kan det i alle fall gå. Elles så er det ikkje noko meir å beretta, eg trente sjølvsagt i går óg (4x 10min “roleg” intervall). Dagen før i går trente eg styrkeintervall. Men no skal eg henta klesvaska mi og så finna meg lunsj/middag og ta fri. I dag er det igjen treningsfri, kan henda eg nyttar den ekstra tida til å spela litt bordtennis (skal vera forsiktig med handa) eller sjå ein film.

27. juni
I går blei det eit par sett med bordtennis mot Erlend, eg tapte to og vann eit. Elles så såg eg “Road to Guantanomo” og sov lenge. Det er skikkeleg dritt ver her, i går kveld og natt hadde vi opp i sterk storm med 58 knop vind i kasta (stabilt på 55 knop ein periode, 1 knop er 1,852 km/h). Det har roa seg bittelitt no, men framleis er det altfor store bølgjer (i dag tidleg var dei seks-sju meter) til at vi kan arbeida. Så i natt har eg sett to filmar (The Contract med Morgan Freeman og John Cusack som var ok, og Hoax med Richard Gere som var litt kjedeleg, og (ikkje fullt så) ok). Trur ikkje det blir noko trening på meg i dag dessverre, er ikkje særleg gøy å sitta på sykkelen (eller noko anna treningsapparat) i slikt ver, så då er det vel fare for at det blir anten å lesa bok eller sjå ein film til før eg legge meg. Håpar på å vakna opp til betre ver (men eg har ikkje blitt dårleg!).

28. juni
Eg fekk faktisk trent i går Vinden og bølgjene avtok ganske mykje, og då vi snudde båten og gjekk med bølgjene for å koma fram til areidsområdet vart det ganske så stille ombord. Så det blei 6×4min intervall. Det er godt å få rørt på seg etter tolv timar meir eller mindre sittande stille i ein stol.
I dag grensar veret opp mot å vera bra, trur eg skal ha meg ein tur ut og lesa litt etter skiftet. Vi er i produksjon no og tauar, og skal vel gjera det ganske lenge (2 linjer i eitt), så det blir nok litt roleg på meg, men litt har eg no endo å gjera, alltids litt rapportskriving og liknande som må fullførast.

29. juni
Det blei ganske hektisk på slutten av skiftet i dag, mykje som skjedde, så det blei ikkje noko oppdatering (skrive detta 30. juni). Men etter skiftet fekk eg slappa av ganske bra og lest ut boko (American Gods), den var ganske bra. No har eg byrja på ei ny bok, denne gongen er det “To say nothing of the dog” av “Connie Willis” (lånt av Øystein den og). Har foreløpig bare lest fyrsta kapitellet, er ikkje heilt sikker på om den er bra eller ikkje endo, men den har i alle potensiale.
Fekk og trent litt i går(28.), det var dagen for trappeintervall igjen (4-5-6-6-5-4-2-1 minutt).

30. juni
Det er pizzalaurdag igjen Akkurat no er eg skikkeleg svolten og gler meg veldig. Elles så er det ein del å gjera, så det blir ei kort oppdatering igjen. Etter planen skal vi inn til Stavanger i morgon. Blir nok bare liggande nokre timar før vi sette kursen mot Canada, men akkurat no går ikkje alt heilt etter planen. Så vi får sjå kva som skjer.
I går trente eg styrketrakk igjen, noko som ser ut til å gå betre og betre, det er stort sett ikkje noko problem å sitta og trø no lenger. Men eg er litt plaga i høgre armen framleis

01. juli
Det har vore ei veldig roleg natt. Vi har fått orden på alt utstyret og tauar, og sidan vi (FG’ane) har gjort ferdig det vi kan før vi får nye data har det ikkje vore behov for å gjera noko særleg. Så eg har nytta tida til å oppdatera albumet med ein del nye gamle bilete. La inn ein del frå bryllaupsreisa i 2005 og nokre frå litt klatring på Magerholm i 2005.
Og så har eg jo bursdag i dag, så då må alle gratulera meg med dagen Takk til alle som har gjort da på førehand eller via Kanutte!

02. juli
Det vart hektisk i dag. Mykje å gjera ferdig før vi kom til land og skulle senda data av skipet, men eg blei no ferdig med det i tide.
No e klokko halv tolv, og eg har vore oppe i nesten tre timar alt. Bare sove tre timar sidan i går kveld og, merkar at kroppen ikkje er heilt 100%, men skal ganske snart få lagt meg. Vi byrja med dagskift frå og med i morgon.

03. juli
På veg mot Canada, har byrja med dagskift. Det blei ein ganske lang dag i dag. Først og fremst kom eg ikkje i i køya før klokko tre i natt og sov ikkje lengre enn til klokko sju. Det har vore litt å gjera for meg, men har stort sett blitt sittande med mitt åleina i instrumentrommet. Alle andre har andre ting å ta seg til andre plassar enn instrumentrommet (trur det var ny personleg rekord i bruk av ordet andre). Litt avslappande, men og litt kjedeleg å ikkje ha folk rundt seg.
Vi har og fått nytt stereoanlegg og fjernsyn/DVD i gymmen, og det måtte eg sjølvsagt testa ut, så eg sykla trappeintervall (1-2-4-5-6-6-5-4-2-1 minutt) og sit-ups og ryggøvingar. I går var det 8×4min intervall, eg har vel funne ut at eg skal auka innsatsen litt dei siste dagane før heimreisa. Gler meg sånn til å koma heim!

04. juli
Ikkje noko spesielt spanande å beretta i dag. Litt forskjellig arbeid ved datamaskina så timane har no gått rimeleg fort. Det er middag no, trur ikkje eg skal gjera så veldig mykje etter det, men vi har hatt ein liten taue test med ein mottakar for dei nye klientane ombord, og den testen er akkurat ferdig, så eg får bittelitt å gjera når vi får mottakaren ombord. Og so blir da nok trening i dag (styrketrakk) og. Og eg har endo meir lyst heim i dag!

05. juli
5×10min intervall.

06. juli
Treningsfri.

07. juli
Eg er i live. Vi mista tilgangen til internett og telefon tidleg i går, og vi greide ikkje å få den tilbake før rett øve midnatt. Det blei ein lang arbeidsdag, og i dag er eg litt trøytt. Trur eg blir litt sleten i kroppen av å ikkje koma inn i noko fast dagsrytme. Det blir heile tida justeringar på klokko no når vi flyttar oss aust, no er vi to timar etter norsk tid. Og i natt skal vi stilla klokko tilbake nye ein og ein halv time. Eg veit ikkje heilt kor den halve timen kjem frå, men slik er det no i alle fall.
Telenor har og hatt problem med tilkoplinga vår heime, så difor har telefonen og heimesida våre utilgjengeleg dei siste dagane, og det har og ført til at eg ikkje har fått oppdatert heimesida. Skal prøva å koma tilbake med oppdateringar og song for dagen, men no må eg ha frisk luft.

Det er faktisk siste pizzalaurdagen i dag! Blir utruleg fint å koma heim, og gler meg til å ha ferie på Sjøholt ei vekes tid.

08. juli
Eg e ikkje så flink til å oppdatera likavel. Sjølv om eg sitte framfor datamaskina stort sett heile dagen så blir det ikkje til at eg orkar å skriva noko særleg. Byrjar å bli ganske så lei datamaskina (og spesielt Matlab), og så er det så kort tid igjen at det verkar litt bortkasta å skriva noko her.
Uansett, det gyngar godt her ute på bølgjene blå, men vi har dei stort sett rett i mot, noko som gjere at det ikkje er så veldig ubehageleg, eg blir i alle fall ikkje dårleg. Men det er litt slitsamt å jobba og konsentrera seg. Og det har heller ikkje blitt noko trening på meg i kveld (sit-ups i dag tidleg). I går fekk eg 8×4 min intervall (sittande) medan eg såg tre episodar av Family Guy, ein god kombinasjon.
Vi har stilt klokko igjen natt til i dag (1 og ein halv time) og skal stilla ho ein time tilbake i natt og. Så då blir da vel noko slikt som fire og ein halv time i tidsforskjell. Men no må eg nesten lesa litt om eg skal bli ferdig med boko før eg kjeme heim.

09. juli
3

10. juli
2

11. juli
1

Fem veker går altfor fort, spesielt når dei kun er fire veker og to dagar lange, og ein har det veldig bra. Så no e eg på veg ut i den store verda igjen, turen går og denne gongen til Brasil, men vi skal litt lenger sør, og kjem til å gå på båten i Rio de Janeiro, og i tillegg får vi ein heil dag til å oppleva byen på! Men det er ei ganske lang reise der, først til Paris og deretter direktefly til Rio.

Flyreisa gjekk eigentleg ganske så bra, men Air France-jumboen frå Paris til Rio var utruleg kjip med tanke på underhaldning. Kun eit par skjermar i heile flyet og dei viste dårlege (dubba sjølvsagt) filmar. Ikkje så veldig imponerande akkurat. Eg trudde og eg var lur og bytta sete slik at eg fekk eit ved midtgangen, men da var plassert rett ved eine “kjøkenet” så der var det folk som kom og gjekk heile tida. Men eg fekk no sove ganske bra, og spelt litt på PSP’en så flyturen gjekk overraskande fort og greit.

27. mars
Vi landa tidleg i Rio, klokko halv seks lokal tid (fem timar forskjell frå heime i Norge). Det er plass til frykteleg mange personar ombord på ein jumbojet. Sjølv om vi var det einaste flyet på den tida av døgeret, danna det seg ein lang kø for passkontroll, men vi kom alle gjennom til slutt, og eg fekk til og med bagasjen min!
Køyreturen inn til sentrum gjekk fint, det var ein del trafikk, i alle fall mykje meir enn eg er vant til frå Norge, og køyrestilen er ikkje heilt som heima. Det var skifting av fil i eitt sett, men mykje mindre tuting enn eg hadde venta. Vart og overraska over kor lite respekt folk hadde for til dømes ambulansar. Det kom ein ulande bak oss (sjåføren vår var faktisk ganske hensynsfull og bytta fil slik at i alle fall ambulansen kunne koma forbi oss) men det tok lang tid før den faktisk greide å koma seg fram og passera oss, og ei stund gjekk det mykje fortare på fram med oss enn med den. Ingen som flytta seg noko særleg. Glad det ikkje var eg som låg i den. Elles var det (sjølvsagt) store kontrastar å sjå, med gribbar overalt (både i tydinga levande dyr og metaforisk bilete). Ein ting som var overraskande og positivt var at “alle” gjekk tur. Dette var tidleg på morgonen og vi såg masse folk som var ute og gjekk både rundt idrettsbanar og langs strendene. Både eldre og yngre folk. Noko slikt ser ein aldri i Norge, og i alle fall ikkje på ein vanleg kvardag. Veldig bra
Vi fekk eit bra hotell med store, fine rom, og eg fekk tatt ein dusj og ete frukost før Rio venta på oss. Men først tok vi ein tur opp på taket av hotellet og fekk oss ein øl i sola (altfor tidleg etter min smak, men litt fint likavel). Etter det tok eg og Tom (den andre feltgeofysikaren) ein drosje til Sukkertoppen, eller rettare sagt til taubana som tek oss opp til Sukkertoppen. Ein fin tur med to taubanar, flott utsikt. Vi såg og to som var i ferd med å bestiga Sukkertoppen med klatretau, såg ganske fint ut i sola. Det er ein ganske spesiell, i alle fall i høve til det meste av Norge, natur og geologi i og rundt Rio.
Etter å ha vandra rundt på toppen, tatt ein heil del bilete og teke taubana ned igjen var vi klar for ein is. Eg kjøpte meg ein pasjonsfrukkuleis. Nam
Vi tok ein drosje tilbake til Copacabana (hotellet låg bare eit par kvartal i frå stranda) og møtte Erlend og Aslak på ein strandbar. Dei var allereie godt i gang med øldrikking, men eg var i alle fall ikkje så interessert/klar for det, så eg bestilte ein ananasjuice (ferskpressa sjølvsagt). Eg tok meg og ein tur frå baren, som låg ved vegen, og kryssa stranda på tvers og ned til havet. Vassa litt og blei våt på shortsen, og pengane som låg i den, men tørka stort sett på veg opp igjen. Fotblada fekk i alle fall prøvd seg. Det var VARMT i sanda. Etter eit lite måltid og litt meir drikka fann vi ut at det var tid for å vitja Jesus. Vi tok ein drosje. Vegen var ganske lang og veldig bratt med jungel på sidene. Spanande tur, og vi lurte litt på korleis det skulle gå på vegen ned. Jesus hadde fin utsikt der han sto oppe på toppen sin, heldigvis hadde skydekket letta litt sidan eg og Tom var på Sukkertoppen, for då var Jesus inne blant skyene. Etter at vi hadde kikka oss rundt ei stund fann vi drosjesjåføren vår igjen (han venta på oss) og han tok oss ned til Ipanaema-stranda. Vi overlevde turen ned, men det lukta godt av svidde bremser det siste stykket (trur aldri sjåføren nokon gong har lært seg å bremsa på gira, men bremsa med handbrekket kunne han). Ipanaema var ei lika bra strand som Copacabana, og bygningane og butikkane rundt var av ein litt høgare standard enn dei ved Copacabana verka det som. Vi fann oss ein strandbar der og, og fekk oss litt vatn og ei kokosnøtt å drikka på. Då vi var ferdige med å drikka opp (mykje væske i ei kokosnøtt) vandra vi langs stranda tilbake mot Copacabana. Erlend og eg vart svoltne, og bestemte oss for å kjøpa kvar sin maiskolbe frå ein gateseljar. Det skulle visa seg å vera ein stor tabbe. Men det smakte i alle fall godt der og då.
Etter å ha vandra halve Ipanaema på langs freista ikkje fleire kilometer langs Copacabana så mykje, så vi tok ein taxi tilbake til hotellet og fekk oss ein dusj før vi gjekk ut til middag. Eg kjøpte mange postkort, og fekk nytta tida medan vi venta på maten til å skriva dei. Dei andre syntest eg var veldig flink… Middagen var ok, det var store porsjonar, og den brasilianske raudvinen var god. Rett før vi gjekk til middag fekk vi beskjed om at vi måtte opp til klokko sju morgonen etter for å ordna pass/visum bestemte eg meg for å ta ein tidleg kveld og vandra heim. I tillegg var eg ikkje heilt god i magen, men det trudde eg hadde med all maten å gjera…

28. mars
Først bare ei kort oppdatering for å fortelja dåke der ute at eg er i live. Men eg har sjølvsagt fått ei matforgiftning, og er ikkje heilt i form til å skriva så mykje akkurat no. Eg er komen på båten og alt elles er bra, magen byrjar og å bli betre etter ei natt med konstant oppkast… Skal skriva meir når eg føle for da…
Det har vore ein dårleg dag! Det byrja omlag ein time etter midnatt. Eg vakna og vart overraska øve at eg framleis var kvalm. Gjekk på badet akkurat i tide til at eg fekk kasta meg øve toalettet og kasta opp. Sovna igjen til slutt, men vakna etter ein liten time og kasta opp igjen. Slik gjekk natta fram til eg måtte stå opp for å møta dei andre. Då var eg såpass tom i magen at det ikkje var noko å kasta opp med det første, men eg var framleis skikkeleg dårleg. Eg møtte Erlend, og han hadde hatt ei lika hyggjeleg natt som meg. Vi fann raskt ut at det måtte vera maiskolbane vi hadde kjøpt, for det var den einaste fellesnemnaren for oss to i høve til dei andre. Til slutt kasta eg opp ein siste gong rett før vi reiste frå hotellet, då hadde eg lidd meg gjennom eit langt møte der vi blei tekne bilete av og måtte avgje fingeravtrykk for å få visum. Då vi kom på båten byrja eg å føla meg litt betre, og fekk faktisk i meg ein tørr kjeks eller to utøve kvelden. Eg sov eit par timar før middag (som eg ikkje rørte så mykje av), og etterpå var det ei ganske så avslappa stemning blant alle. Og alle er ganske så mange denna turen, noko som dessverre betyr at eg ikkje får eigen lugar. Litt kjedeleg, men kjem nok til å gå greit i og med at Tom, som eg dele lugar med, går motsatt skift av meg (noko som er opplagt sidan han e den andre FG’en). Vi er faktisk alt for mange tykkjer eg, i alle fall i høve til den jobben vi skal gjera, men dei aller fleste av oss emgs-folk er heilt nye, så det blir nok ikkje slik på alle turane framøve, reknar med at dei blir spreidd på andre båtar etterkvart.
Vi såg ein film på kvelden, “Lemony Snicket’s A Series of Unfortunate Events” med Jim Carrey. Ganske bra faktisk, men ikkje fantastisk. Eg har og byrja på ei ny bok, “Hundene i Riga” av Henning Mankell. Trur den kan visa seg å vera bra.

29. mars
Eg sov godt i dag, men eg vakna nokså tidleg og var veldig svolten. Føle meg klar for ein ny dag, kanskje eg kan klara å få litt sol på kroppen. Det er og snakk om å ta ein tur inn til land og sjå litt på nattelivet i Rio i kveld.
Det har ikkje skjedd noko særleg i dag, har vore ein roleg og behageleg dag. Godt med ein slik dag etter å ha vore dårleg. Eg har fått litt øvesikt øve kva som er gjort av dei som vi byta med, og litt meir informasjon om kva som er planane framøve, men dei kan jo endra seg frå time til time…
Det er og masse nye folk i høve til sist gang, og nesten for mange synest eg. Vi klarte oss jo ganske så bra sist, sjølv om ein eller to til ikkje skadar. Men no er det 6 fleire emgs-folk (2 som skal bli teknikarar og 4 matrosar), og i tillegg er det 4 MMO’ar (2 gutar og 2 jenter som er observatørar for IBAMA, som er dei brasilianske myndigheitene som lagar reglane for oss) og ein lege (ei dame). I tillegg trur eg det er fleire av det maritime mannskapet no enn sist og, men dei har eg ikkje heilt oversikt. Det blir trangt, og ingen sjans for eigen lugar dessverre.
Vi kjem til å reisa ut i natt eller i morgon tidleg og etter det har vi eit par dagar med transit til området vi skal arbeida i. Eg har teke nokre bilete, men dei må eg legga ut seinare sidan vi skal byrja å gå skift i natt, og eg må få litt søvn.

30. mars
Sov eigentleg ganske dårleg i går kveld før skiftet. Først sov eg to timar før eg vakna i sekstida og fekk ikkje sova. Då fekk eg plutseleg veldig lyst heim… Las litt meir i boka mi (’Hundene i Riga’), og sovna til slutt etter nesten to timar. Då sov eg godt, men vakna litt innimellom av at romkameraten min (Tom) byrja å kasta opp. Har jo det friskt i minnet så synest synd på han.
Skiftet har gått verkeleg roleg, nesten ingenting å gjera på, men eg og Erlend har nytta tida til å sjå litt på ‘Twin Peaks’, ein serie eg aldri har sett før, og sidan det bare var sesong 2 Erlend har med seg blei det litt vanskeleg å få med seg alt for min del, men fengande likavel. I alle fall til enkel tidtrøytte her ombord.
Elles så har det vore ein stor dag for emgs, då firmaet har gått på børs i dag(Oslo børs, ticker EMGS). Det er veldig stor interesse for selskapet i dag i alle fall. Suverent mest omsatt av alle på heile børsen, blir spanande å sjå korleis det går framøve.
Eg har og akkurat sykla i litt meir enn ein time (4 intervall på 8 minutt, 4 minuttar pause i mellom), godt å få rørt litt på seg igjen etter å ha vore dårleg, og ikkje så verst tidtrøytte heller.
Vi kjem vel til å forlata ankringsplassen vår her utanfor Rio i løpet av eit par timar, blir godt å få koma i gang og la tida fly (håpar eg ). Men no er det frukost og eg er svolten…
Resten av skiftet forsvann utan at noko spanande skjedde. Einaste er at vi er ute på tur igjen. Eg la meg ut ei stund i sola og såg at vi tok opp ankeret og segla forbi Sukkertoppen og la Rio bak oss. Eg har lese ut Henning Mankell boka om Kurt Wallander og hundane i Riga, og har no, utruleg nok etter første boka, byrja på bok nummer to i Robert Jordan sin serie ‘The Wheel of Time’. Håpar verkeleg at denne er betre Øystein
Elles har eg fått trent litt meir, no vart det diverse styrkeøvingar og 4×5 minuttar intervall på sykkelen. Satsar på at eg klarar å vera lika flink i fortsetjinga og. Eg skal få meg litt mat no, og so skal eg legga meg. Blir sikkert litt meir å gjera på skiftet i natt, men ikkje så veldig travelt endo, det blir først på mandag.

31. mars
Veldig lite som skjer akkurat no. Utstyret skal fungera og vi seglar mot området vi skal jobba i. Då er det ikkje særleg mykje å gjera på anna enn å slappa av. Eg har sett litt på ‘Batman’. Den gode, gamle fjernsynsserien med “biff”, “bang”, “poff” og “au”. Gøy Elles har eg spelt litt på PSPen og lite anna. Skal forsøka å få trent litt før lunsj og.
Resten av skiftet har vore lika hendelseslaust, eg har fått spelt mykje Sid Meier’s Pirates på PSPen og trent ein god time (styrke og 4×7 min intervall på sykkel) før laurdagspizza til lunsj. Kun fire igjen
No blir det litt oppfrisking av miljøkunnskapen som dei brasilianske oppassarane våre skal ta seg av, og so blir det vel ein liten tur ut i sola for å lesa bok og slappa av. Det ser ut til at det er litt dårlegare ver no, men kan henda da bare betyr at det er akkurat passe med sol.

01. april
Eg skulle nær sagt som vanleg, men det er også i dag lite å fortelja. Som ein kan leggja merke til øverst har eg lagt ut nokre bilete frå turen så langt. Klikk på biletet for å koma til galleriet. Vi nærmar oss jobbområdet, faktisk reknar eg med at vi er i gang med utsetjing av mottakarar når eg går på skift i natt. Det blir bra, og det blir heller ikkje så travelt på meg no trur eg, sidan vi no har fått fleire matrosar som tek seg av inn- og utsetjing av utstyr. Vi hadde og ei lita øving i dag, ikkje noko særleg, bare litt forteljing og forklaring rundt redningsflåtane, sjukestova og oljesølberedskap. Dette var sjølvsagt etter lunsj, og i tillegg hadde vi eit lite emgs-mannskapsmøte rett etter det, så då gjekk store delar av fritida mi i dag vekk Eg fekk meg no likavel ein time i sola og ein time med trening (roleg jogg i nesten 40 minuttar og styrketrening). No skal eg prøva å legga meg til å sova, klokko e ti øve halv fem, altfor mykje, men “Wheel of time”-boko ligge ved sida av puta og freistar. Den er faktisk ganske så bra

02. april
Travel natt og dag! Eller eigentleg ikkje så travel, opptatt er kanskje eit meir dekkande ord. Som eg forventa hadde dagskiftet byrja med utsetjing av mottakarar og det held vi framleis på med (klokko e kvart på fira på ettermiddagen og eg skal legga meg). Reknar med at vi kanskje blir ferdig med klargjering og utsetting av mottakarar i løpet av skiftet vårt i natt, og kan byrja å taua i morgon tidleg. Vi kan ikkje starta kjelda om natta på grunn av nokre IBAMA (brasilianske oppassarane) reglar (det er diverse reglar vi må følgja, men dessverre er dei tilpassa seismikk, og dei er ikkje så veldig relevante for det vi gjere… men det skal koma nokre IBAMA folk ombord i løpet av veka og sjå kva vi faktisk gjere, og forhåpentlegvis resulterar det i nye reglar for EM). Det er konstant arbeid med klargjering av mottakarane, så tida går ganske fort, men det er ikkje så veldig mykje for meg å gjera, det blir mest overvaking og opplæring av dei nye folka. Litt kjedeleg å ikkje gjera noko faktisk arbeid sjølv, men det kjeme nok i massevis når vi får ombord igjen mottakarane og får data og arbeida med. Eg har lest i sola etter lunsj (ein time++) og har no trent i litt øve ein time (5×4min intervall på sykkel og styrke). Skal prøva å få lagt meg no etter ein dusj, blei litt for seint i går.

03. april
Mottakarar, mat, sol, trening og søvn. Slik går dagane no. Det skjer ikkje mykje nytt no for tida, og eg har ikkje heilt sett det store behovet for å endra på rutinane mine endo. Det er trass alt ikkje så ille å ligga ein time i sola og lesa ei spanande bok. Og trena litt, i dag blei det 5×4min intervall på sykkel, men ikkje styrketrening. Har funne ut at i dag skal eg i alle fall få lagt meg i senga tidleg, kan henda det blir ei lang natt i og med at vi no har fått kjelda i vatnet og skal i gang med tauing. Då blir det nok ikkje fullt så travelt på oss, kan til og med henda eg får tid til å ta meg ein liten halvtime i styrkerommet.
Som dåke skjønar så er det ikkje mykje å fortelja, og det er litt frustrerande. Hadde håpa eg kunne fått skreve ned ein masse tankar om alt mogleg her i reisedagboka, men foreløpig har det ikkje blitt det. Tankane ser ut til å forsvinna i løpet av dagen før eg sete meg ned her framføre datamaskina rett før eg legge meg. Og når eg skal legga meg vil eg liksom ikkje bruka så mykje tid på å skriva og tenka altfor mykje. Kanskje er eg bare lat. Kan håpa eg får litt meir tid og initiativ til å skriva her når vi får rolegare skift og eg blir sitjande meir nede i instrumentrommet framføre datamaskina der. Kan henda det skjer alt i natt? Men no er det leggetid
PS: Eg har ikkje heilt oversikt øve kva tid påska byrjar, men god påske til alle kjente og ukjente!

04. april
I dag har det vore ein ganske så roleg dag for meg på jobb. Vi hadde byrja å taua då vi gjekk på skift, og alt var fryd og gammen ganske lenge. Men då vi nesten var ferdige med ei linja fekk sjølvsagt problem og måtte avbryta. Veldig kjedeleg, og sidan vi og skulle få folk ombord i dag måtte vi ta opp kjelda igjen. Men det var ikkje eg med på i det heile tatt, vi har no folk til slikt så eg har stort sett leika meg med ein masse småting som må/kan gjerast klart til vi faktisk får data. Eg fekk til og med tid til å trena litt styrke før frukost.
Rett etter lunsj kom endeleg besøket vårt (IBAMA folk). Dei kom med helikopter, og det var litt spanande å stå på toppdekk og sjå dei landa. Etter det var det sol, sol, sol i ein og ein halv time. Og så litt trening, 4 min intervall på sykkel igjen. Eg har funne ut eg skal prøva å ha tre dagar med intervall, så ein litt rolegare dag med jogging/styrketrening og så tre nye dagar med intervall. I dag var siste dagen med intervall, og dei to forrige dagane har eg kjørt 5×4min sittande intervall, og det ville eg prøva i dag og. Men venstre kneet var litt ekkelt, fekk liksom ikkje strekt det ut skikkeleg, det blei ein liten kneppelyd i det innimellom. Eg har hatt det før og, og trur det kjem av at kneet er veldig følsom for sittestilling og vridninga, og når eg kun har joggesko festa i sånne gamle pedalfester og sykkelen ikkje akkurat er veldig bra på fininstilling blir det gale. Men det går bra og stå og trø, så eg måtte gjera det. Får håpa eg finne ut av det og at ting blir betre etterkvart.
Elles så har vi fått ny kokk ombord, eller rettare sagt ein kokk til ombord. Det skal vera to, men den eine som var med på forrige tur er heime i Norge med sjukemelding, og til no har det bare vore ein. Eg håpar det no skal bli litt betre mat på nattskiftet, for den har vore ganske tragisk til no (skjønar godt at han kokken som har vore aleina til no ikkje har hatt tid/ork til å gjera meir enn det han har gjort). Uansett så ynksje eg meg veldig skikkeleg brød til mat på natta.

05. april
I dag blei da litt travelt på jobb. Vi tok ombord mottakarane for eine linja vi taua for eit par dagar sidan, og samstundes som vi tok opp dei og lasta ned data måtte vi gjera dei klare til ei ny linje. Det blei litt att og fram mellom mottakarbua og instrumentrommet for min del, men kjekt å få prosessert og sett på litt data!
Etter lunsj har det vore det same som alle andre dagane, det vil seia sol, bok, trening og no i senga. Vi har vore heilt utruleg heldige med veret so langt på turen, bare sol og ikkje noko som ein gong liknar på ei bølgje. Heldigvis er det akkurat passe med vind oppe på heildekket slik at ein ikkje blir heilt steikt av sola. Ein merkar i alle fall ikkje at ein blir steikt Men eg blir no ganske misunneleg når eg høyre at folk heima har snø og skal på fjellet og stå på ski i påska, får ta det igjen med toppturar i heile mai.
Trur det kan bli litt tid til å oppdatera litt her på skiftet i natt, det er litt dødtid når ein prosesserar data, så kanskje eg kan legga ut eit par bilete til om eg hugsar det…
Og for min eigen del, i dag trente eg 20 min roleg jogg på tredemølla, styrketrening på rygg, mage og armar, 20 min roleg jogg igjen og avslutta med litt meir styrketrening.

06. april
Roleg dag på jobb i natt. Tom hadde fått gjort ferdig resten av prosesseringa på skiftet sitt og sendt av garde til kontoret på land, så då var det eigentleg ikkje noko for meg å gjera. Og sidan vi tauar ei ny linje, og det er den definitivt rolegaste perioden sat eg for det meste og las bok heile skiftet…
Etter lunsj har det vore same rutine som dagane før, ut på helikopterdekk og ligga der ein god time og lesa bok, før eg gjekk ned i trimrommet og sykla litt (15×2min intervall). Og no sitte eg her og hadde tenkt meg veldig tidleg i senga, men ser at klokko alt har passert fira og eg må ha meg mat før eg legge meg. Litt kjedeleg at eg igjen går glipp av grilling, den har dei sjølvsagt til middag, og det er for seint for min del. Kan håpa på at dei tek det til lunsj ein eller annan gong.

07. april
Kan vel nær sagt sjå på gårsdagen for å oppsummera dagen i dag. Rett nok e klokko bare elleve no, men det har vore roleg for meg i dag og. Vi var ferdige med å taua ei linje eit par timar ut i skiftet, og deretter tok det eit par timar å få opp kjelda frå nærare 3000 meter. Så det var eigentleg ikkje noko særleg å gjera før rett før frukost. Eg fekk lasta ned litt data frå fisken og arbeida litt med dei før frukost og etter det har eg ikkje gjort noko anna enn å lesa ut boka (”Wheel of time”-boka). Den haldt seg nokså bra heilt til slutten, og eg har i alle fall meir lyst til å lesa neste bok no enn då eg var ferdig med første, men samstundes er det veldig frustrerande å ha lese to mursteinar på 700 sider utan å verkeleg ha nærma seg slutten. Det følest i alle fall som om forfattaren heile tida utsette sjølve “slutten” på heile historia og introduserar litt nye element for å få ein slags slutt på kvar bok. Og eg trur det er åtta bøker i serien…
Eg har og lagt ut eit par nye bilete frå dagen vi fekk besøk av helikopteret. Dei kan ein finna i galleriet. For 2 minuttar sidan var helikopteret her igjen forresten, so no e vi kvitt eit par folk. Ikkje at dei har plaga oss i det heile, eg har knapt sett dei, men eg trur det har vore bra dei har vore her, og at vi får endra på ein del av dei reglane vi har måtta forhalda oss til.
No skal eg ned i treningsrommet og ta nokre sit-ups og push-ups før lunsj. Deretter blir det heilt sikkert ut i sola for å lesa litt i ei ny bok, eller kanskje eg kan sova litt på helidekk. Sikkert ikkje lurt… Det er forresten laurdag igjen (da veit sikkert alle heima, men her er dagane like så det er ikkje så lett å halda oversikt), og det betyr laurdagspizza til lunsj. Bare tre igjen etter denne!

08. april
Som vanleg ikkje så mykje spanande å fortelja. Vi fekk tatt opp ein del mottakarar i natt og da gav meg ein del data å jobba med. Noko som er kjekt fordi tida går litt fortare og det heile følest litt meir meiningsfylt. Elles har eg vore ute i sola ein time no, lest litt i “Tilfellet G” av Håkan Nesser. Kriminalroman som kan visa seg å vera bra, akkurat i dag er eg litt fro trøytt til å la meg engasjera skikkeleg. Klokko e no bare ti øve halv to, og eg har tenkt til å vera litt flink til å trena ein time no (5×4min intervall på sykkel, same som i går, og litt styrke) og så faktisk legga meg tidleg. I går var eg i køya til klokko fira, men blei liggande å lesa eit pc-spelblad av alle ting. Eg har ikkje spelt eit dataspel på fleire år så eg veit ikkje heilt kvifor eg lot meg engasjera slik. Uansett so e resultatet at eg e litt for trøytt no. Eg trur vi byrjar å taua i løpet av natta så då blir det igjen roleg og avslappande å vera ombord

09. april
Har stort sett jobba heile skiftet i natt med analyse av data. Faktisk ganske gøy no når eg forstår litt meir av kva som foregår og skjønar kvifor vi gjere slik og slik. Elles er det ikkje særleg meir å fortelja frå skiftet i alle fall. Vi tauar framleis, og kjem vel til å gjera det nesten heile neste skiftet og, og sidan vi (Tom og eg) er ferdige med å behandla data og fått sendt dei avgarde så blir det vel nokså roleg.
Elles så har vi hatt ei “forlat skuta”-øving i dag, og den gjekk øve i ei “mann over bord”-øving. Og eg sov litt i sola etter lunsj og øvingane. Veldig behageleg, men det var så vidt eg klarte å koma meg ned i trimrommet og ta litt styrkeøvingar etter det. Eg hadde og ei bizarr oppleving med klesvaska mi i natt. Eg satte på ei maskin til vask då eg gjekk på jobb, men då eg skulle putta den i tørketrommelen var alt vekke. Fann ikkje klea i det heile, ingen av dei andre som jobba i natt hadde sett noko. Eg måtte henga opp eit par lappar, og då eg gjekk ned for å trena var klea plutseleg der i ein pose. Merkelege greier, men alt var no der…

10. april
I natt har ikkje gjort noko som helst. Bare slappa av og lest bok. Litt kjedeleg, men fint å snakka med folk på msn. Og boka er bra så tida har gått fort likavel. Blir nok meir å gjera på neste skift då vi er ferdige å taua og det skiftet som er på no byrja å ta opp mottakarar. Då blir det sikkert litt data for meg å leika meg med.
No har eg akkurat ete lunsj og smurt meg inn med litt solkrem og skal ut for å leggja meg i sola som vanleg. Blir vel liggande der ein time eller to før det blir trening (sykkelintervall 4×7 minutt og litt styrke) før eg legge meg igjen. I dag skal eg prøva å stilla alarmen rett, i natt stod eg opp ein time for tidleg utan at eg merka det før eg kom ned i instrumentrommet og Tom syntest eg var litt tidleg ute for å avløysa han.

11. april
Ting går eigentleg som på skinner med produksjonen vår no, i motsetnad til sist tur. Eg har brukt heile natta til å analysera og behandla data, så skiftet har gått veldig fort. No blir det sikkert roleg igjen i natt, men eg finne nok på noko å gjera.
I går blei eg liggande litt lenge i sola, eller det var ikkje så mykje sol, og lesa ut “Tilfellet G.” Den blei spanande på slutten, men eg blei litt skuffa og, fordi slutten på ein måte verka litt for konstruert/tilpassa til at det var siste boka i serien. Uansett så har dei tre bøkene eg har lese i Håkan Nesser sin krimserie om førstebetjent Van Veetern vore veldig bra, og kan anbefalast til alle som set pris på god krim. Eg har ikkje byrja på noko ny bok endo, i dei korte friperiodane eg har hatt i natt har eg spelt litt “Sid Meiers Pirates” på PSP. Eg kjem vel til å byrja på ei ny bok no ganske snart, men eg ventar kanskje til i natt. Det er ikkje noko særleg ver å ligga ute og lesa i no uansett. Ikkje det at det regnar, men det er no overskya og bles litt meir enn det har gjort, og når vi har vore så bortskjemte med strålande sol tidlegare på turen kan eg nytta høvet til kanskje sjå ein film og trena litt lengre enn vanleg. Sova lengre burde eg og få gjort… Det betyr vel eigentleg at eg bør byrja med det same.
PS: Ivar har bursdag i morgon, og sidan eg vanlegvis oppdaterar her ganske seint, i alle fall norsk tid, nemner eg det no Gratulerar Ivar!

12. april
Ganske så roleg natt i dag og, Tom fekk gjort ferdig det som stod igjen av dei data vi har fått foreløpig, så det har bare vore litt rapportskriving på meg. Og så har eg surfa ein del på nettet og sikla på sykkeldelar. Gler meg veldig til å koma heim og få mange mil i beina på sykkelen heima!
Eg skreiv i går at produksjonen går på skinner, noko som gjaldt heilt fram til for ein liten halvtime sidan. Då forsvann all straum og maskinkraft ombord. Alt blei svart og det blei stille. Utruleg kor mykje støy ein til vanleg blokkerar og ikkje legg merke til. Vi har heldigvis bra UPS system ombord, så alt av datautstyr (maskinvare, ikkje skjermar) var operativt sjølv om resten av båten var mørklagd. No må vi uansett avbryta linja vår og få fisken opp på dekk for inspeksjon. Tek litt tid, men det har vi forsåvidt nok av, det er ikkje avklart kva vi skal ta oss til etter denne linja, som er den siste på denne jobben. Det er rykte om både lenger sør og lenger nord, og veldig mykje lenger nord, men alt er bare rykte og spekulasjonar foreløpig. Kanskje får vi ein liten tur til land og.
Etter lunsj trur eg eg skal ta meg ein tur i sola, trur det er mogleg å få litt farge igjen etter to dagar med overskya ver. Og så skal eg vel trena litt og, dei to siste dagane har eg sykla 4×7min og 5×7min, blir vel noko slikt i dag og (4×7).

13. april
Nok ein veldig roleg dag på jobb til no i dag og. Eg har nesten ikkje gjort noko, jobba litt med ein rapport, men det er litt kjedeleg… Og så har eg styrt fisken ein time, vi har fått den ned igjen. Det var ikkje noko gale med han etter at straumen forsvann i går, men på skiftet etter oss oppdaga MMO’ane nokre delfinar rundt båten, og då må vi slå av kjelda. Det er ein flott regel når det kjem til vanleg seismikk, for der har ein ei(fleire) store trykkluftskanoner som står ombord på båtane og skyt ned frå overflata. Og det er klart at det ikkje er heilt bra for dyrelivet. Men for oss så har ikkje slike reglar nokon relevans, all den tid kjelda befinne seg 2500m under havoverflata. Hadde det vore reglar der ein hadde utstyr (ekkolodd av eit eller anna slag) der ein kunne oppdaga til dømes kvalar i nærleiken av fisken vår hadde det vore forståeleg. Heldigvis har eg forstått det slik at det skal koma nye reglar for EM, men slike byråkratiske ting tek vel litt tid. Uansett så måtte skiftet før oss avbryta linja og snu og byrja på nytt, og då dei endeleg hadde fått gjort det fekk dei feil på kjelda… Så opp med kjelda igjen, og då passerte klokko seks på kvelden og det var ikkje noko poeng i å ta kjelda ut før seinare, då reglane er slik at vi ikkje kan slå på kjelda etter at det er blitt mørkt, fordi MMO’ane ikkje kan sjå noko i havoverflata då. Men vi har lov til å ha kjelda på om natta, så lenge den blei slått på før det blei mørkt. Alt detta betydde at vi måtte setta ut kjelda på skiftet vårt og så byrja vi om att på linja då det blei lyst. No ser alt ut til å fungera.
Elles så er eg ganske så trøytt, i dag skal eg verkeleg få lagt meg tidleg! Eg har sykkelpause i dag, men skal vel trena litt styrketrening. Trur eg kan ta litt sit-ups og push-ups no før lunsj, og så få gjort litt tyngre trening før eg legge meg. Det regna ute, i alle fall for eit kvarter sidan, så det kan henda det ikkje blir soling på meg i dag

14. april
Litt meir å gjera i dag, vi har byrja å plukka opp mottakarane frå den foreløpig siste linja. Veldig kjekt å prosessera data når dei er så utruleg bra som dei er. Framleis er det ingen som veit, i alle fall ikkje nokon som seie noko, om kor vi skal etter dette. Men det siste er at vi blir liggande og drifta i morgon og kanskje på mandag. Det blir fint, men ein tur til land hadde vore endo betre…
I dag blir det vel ut i sola (som ser ut til å vera tilbake), sova litt for å vera i stand til å vera vaken til grilling (om den ikkje er utsett til i morgon). Elles skal eg vel sykla litt i dag og (trur det blir 15×2 min). Eg fekk 20 minuttar med litt styrketrening før frukost i dag, så det blir bra

15. april
Ein veldig roleg dag på jobb i natt. Har jobba litt med ein rapport, men no det er stort sett finpussing igjen. Noko som tek tid, er kjedeleg og difor blir det utsett litt… Eg har og greid å få sett ein film i løpet av natta. Endeleg har eg fått sett “An Inconvenient Thruth”. Veldig viktig film, og bra, sjølv om eg mest blir deprimert av han, kanskje litt ekstra på grunn av at eg er her og faktisk leitar etter meir olja som kan forpesta verda… Det er forresten ikkje bare eg som har det roleg no, eg er kanskje den som har gjort mest i tillegg til Erlend som har jobba litt med mottakarar. Kva dei andre har gjort på veit eg ikkje, men det er no fortent å få ein dags pause. Eg reknar med at Tom blir ferdig med det som gjenstår på rapporten før eg skal på i natt, og då kan eg sikkert sova ein time eller to i løpet av natta. Det er faktisk så roleg no at i mangel på planar for kva vi skal framøve så driftar båten avgarde der havstraumane tek oss. Det blei ikkje grilling i går kveld, men satsar på at det blir i kveld, men akkurat no er det litt grått ute
Eg har og høyrt på ein del musikk i løpet av natta (det er fint å ha heile instrumentrommet og høgttalarane der for seg sjølv). Eg oppdaga faktisk eit nytt bra band. Har masse musikk med meg på ein ekstern harddisk og der ligge det blant anna ein katalog med albumet “Peace & Love & Death Metal” av “Eagles of Death Metal”. Namnet har på ein måte hindra meg i å nokon gong høyra på det, men i natt bestemte eg meg, i mangel på noko eg eigentleg hadde lyst til å høyra på, for å setta på dette. Vart skikkeleg positivt overraska! Ikkje death metal på noko som helst vist, minna litt om “Queens of the Stone Age” samt mykje anna blanda inn, så det er sikkert litt for rocka for mange (Kanutte til dømes…).

No må eg koma meg opp og få litt mat, klokko er ti øve tolv, og eg har vore for oppslukt i dekninga av Paris-Roubaix på eurosport.com til å hugsa at eg faktisk har fri…

16. april
Det blei grilling i går. Veldig kjekt og god mat, men eg har vore ganske trøytt i natt. Eg sykla 6×5min intervall i går så det blei bare tid til ein liten time med søvn før grillinga, og den igjen tok litt tid. Så det har vore lite søvn. Det er ikkje så farleg for det har ikkje vore noko å gjera, kun ein liten time med siste finpuss på rapporten vår. Etter det var eg ute ein tur på toppdekket og fekk sjå ein fantastisk stjernehimmel, og i tillegg eit stjerneskot. Blei ståande og stirra opp ganske lenge, men litt rart å ikkje kjenna igjen nokre stjernebilete. Får ta med meg ei av bøkene eg har vore fagkonsulent på neste gong.
Det er framleis heilt i det blå kva vi skal ta til med, så foreløpig ligge vi framleis å driftar. No er det heldigvis snart bare to veker igjen. Gledar meg veldig, spesielt til at eg og Kanutte skal ha ein liten ferie i den byen eg kjem til å mellomlanda i på veg heim. Kvar det blir veit eg ikkje endo.
Eg har fått sett film i natt og, det blei “Hotell Rwanda”. Nok ein gong ein bra og viktig film, men utruleg deprimerande. Mistar litt trua på alt mogleg når ein ser slike filmar. Det får bli ein komedie neste gong…
Eg har fått trent litt styrke ein liten halvtime i dag før frukost, og no har eg akkurat vore ute på helidekk og gått litt. I tillegg la eg meg ned litt og sovna bittelitt sjølv om det var ganske ubehageleg å ligga. Vidare i dag blir det vel det vanlege, ut i sola etter lunsj og deretter trening (5×5 min) og så sova.

17. april
Ingenting skjer, så det er vel eigentleg ikkje noko å fortelja. Tenkte eg skulle ut og sjå på stjernehimmelen i natt og, men då eg kom ut var sola i ferd med å stå opp, så då sat eg ein halvtime og såg på soloppgangen i staden for. I grunnen har natta gått veldig fort sjølv om eg ikkje har gjort noko som helst. Såg “The Guardian” med Keving Costner. Ikkje spesielt bra film. Elles har eg vel ikkje gjort noko anna enn å registrera meg på facebook.com sidan alle andre gjere da og. Sikkert bra greier.
I dag blir det ikkje sykkelintervall, skal prøva å kvila det venstre kneet litt. Eg klara ikkje å stilla inn den dårlege spinningsykkelen og kneet er litt kresent på rett stilling. Så då blir det styrketrening etter lunsj. Og sidan eg fekk nok sol i går så kan da henda eg endeleg kan få lagt meg tidleg.

18. april
Sjå 17. april kunne eg vel sagt, i alle fall den første setninga. Har ikkje gjort anna i natt enn å sjå “Stranger than fiction” som var ganske så bra. Elles har eg kasta litt dart og slappa veldig av, noko som har resultert i at eg no er heilt utruleg trøytt Eg fekk som vanleg trent litt sit-ups og armhevingar før frukost. Etter frukost har eg om mogleg gjort endo mindre enn før frukost, men det har dukka opp nokre rykter om at det i minste er moglegheit for at noko skjer i næraste framtid…
Etter lunsj (om ein halvtime, skrubbsvolten) skal eg legga meg litt i køya og sova ein liten time og så sykla (5×7min intervall) og så legga meg igjen. Som sagt så e eg trøytt.

19. april

Framleis ikkje noko nytt her. Nettene sneglar seg avgarde. Eigentleg går dei overraskande fort, men det er kanskje ikkje så rart når eg brukar to timar til film (King Arthur) og ein og ein halv time på å kasta dart (vann 3 kampar, tapte ein). Og så spelte eg og Erlend eit slag sjakk og i dag fekk eg revansj
Elles har vi hatt ei lita minnestund med eit minutt stillhet for dei som omkom i “Bourbon Dolphin” forliset. Det er fleire av mannskapet (og sjølve båten) som kjem frå same området som mannskapet ombord på “Bourbon Dolphin”.
Snart er da lunjs og etter det blir det vel meir avslapping (nok no…) og litt meir trening (sykkel, 15×2min intervall kanskje). Eg fekk som vanleg trent ein liten halvtime før frukost og.
Til slutt kan eg legga ved eit bilete som viser litt av effekten av 2500 meter med vatn.

20. april
I går ettermiddag, rett før eg la meg, byrja vi å gå sørover mot Rio de Janeiro. Endeleg byrja noko å skje. Akkurat kva vi skulle der var ikkje heilt avklara. Men noko skjedde i alle fall. Utanom at vi ikkje driftar har natta gått som dei foregåande, med film (”The Constant Gardener”), men dessverre slutta DVD’en å fungera akkurat i det handlinga byrja å ta seg opp ganske mange hakk. Elles så har eg kasta litt dart og trent litt før frukost.
Etter frukost gjorde eg ikkje mykje, men bestemte meg til slutt for å ta meg ein tur ut i sola. På veg opp til helidekk stoppa eg innom brua, og akkurat då eg kom opp kom det beskjed om å snu. Så no er vi på veg nord mot Natal. Det tek oss tre døgn, så mykje kan jo skje i mellomtida… Eg fekk no meg ein spasertur på helidekket, godt å få rørt kroppen litt, blir litt for mykje stillesitting no når da ikkje er noko å gjera på. Gler meg til i morgon for då er det bare ein laurdagspizza igjen før eg skal heim!

21. april
Eg fekk trent litt i går og, sjølv om eg ikkje skreiv da. Det blei 2×7min intervall (3min pause) så 1 min pause, eit 2 hardt intervall på 2 minuttar med eit minutt med pause før to nye intervall på sju minuttar. Det same som i forgårs. Blei faktisk ganske sleten, spesielt av det harde intervallet midt i. Uansett, det er ikkje så spanande for andre enn meg sjølv…
I går var vel status at vi gjekk mot Natal. Det er ikkje status no lenger (sjølvsagt…). No er vi igjen på veg mot Rio. Fram og tilbake er dobbelt så langt. Minst. Eg blir “litt” oppgitt og nesten litt svimmel av alle denne rund køyringa… No håpar eg (sikkert alle andre og) at om det ikkje blir jobbing med det første at vi kan ankra opp eller gå til kai i Rio, det hadde vore fint med eit par dagar på land Elles merkar ein jo og at vi blir ganske sløve av å ikkje ha noko fornuftig å gjera på.
Veret i dag er ikkje det beste, det var litt regn på morgonkvisten, men det ser ut til å betra seg litt. Får sjå om det blir nokon moglegheit for soling i dag.
Elles såg eg “Blood Diamond” i natt, nok ein veldig bra, men akk so deprimerande film.
No er det bare ein liten halvtime til laurdagspizza. Det er i alle fall noko å gle seg til

22. april

Vi er framleis på veg til Rio, no er det faktisk nesten ikkje tid igjen å snu på Vi “skal” ligga oppankra der til onsdag, så får vi sjå kva som skjer etter det.
I natt har eg som vanleg ikkje gjort noko spanande, eg fekk sett “United 93″ som var ganske bra, og så var eg ute ein tur på dekk og såg stjernehimmelen rett opp og ein stor lyn- og tordenstorm i horisonten mot nord. Den var mykje større og meir langvarig enn noko vi vanlegvis har heima. Det lynte regelmessig i minst ein halvtime, det var så lenge eg var ute, så sannsynlegvis varte det mykje lengre. Etter det såg eg “City of God”. Fekk dessverre ikkje med meg byrjinga, men filmen var veldig bra og kan anbefalast. Elles har eg ikkje gjort noko anna enn den vanlege treninga. Akkurat no medan eg skrive detta følge eg med på “Amstel Gold Race” (sykkelritt sjølvsagt) på nettet. Utruleg spanande å ikkje ha heilt direkte oppdatering, må venta eit par minutt mellom kvar nye melding og det er veldig artig
I kveld er det store planar for å ta ein tur på land og testa nattelivet i Rio. Det blir rart å kjenna fast grunn under føta igjen. Eg satsar sjølvsagt på å få trent litt (sykkelintervall, det var styrke og bordtennis i går) før vi kjeme så langt. Trur ikkje taxibåten kjeme før i sekstida så det skulle gå bra. Men no er det bare 5 km igjen av sykkelrittet og lunsj etterpå så eg får skriva meir ein annan gong.

23. april
Vi kom oss i land i går. Godt å få fast grunn under beina igjen. Dei brasilianske MMO’ane (dei som passar på kvalane…) tok oss (ikkje alle, nokre for direkte til Copacabana) med til ein stad kalla “Casa Rosa”. Det vart ein kjekk kveld, men litt for mykje samba og brasiliansk musikk etter min smak. I dag er det visst St.Georg dag her i Rio de Janeiro og då er det fridag for folka som bur her (St.Georg er byhelgenen til Rio). Det er visst store konsertar på stranda i løpet av dagen så det blir sikkert ein ny tur inn i kveld. Elles har eg ingen planar om å gjera noko særleg bare slappa av og drauma om å koma heim.

24. april
Det blei ikkje til at eg tok turen i land i går. Eg var altfor trøytt til det. Det tek på å snu døgeret slik… Det hadde sikkert vore kjekt å ha vore i land eit par timar og sett på det som skjedde, men sidan taxibåten gjekk inn til land kl 2 og den første ikkje gjekk tilbake igjen før klokko ni på kvelden fann eg ut at eg heller skulle slappa av ombord. Eg og Erlend fekk spelt eit par parti sjakk – eg tapte igjen, men eg føle eg klara å yta litt meir motstand no. Elles låg eg litt i sola og slappa av, fekk sykla litt (5×4 min intervall sittande, i forgårs vart det 10×3min styrkeintervall) og etter det og middag såg vi ein film. Denne gongen vart det “End Game”, ein heilt ok konspirasjonsactionthriller sak med ein utruleg dårleg og utilfredsstillande slutt(!). Vi går ikkje skift no, så eg har sove i natt. La meg tidleg, rundt klokko ni fordi eg var frykteleg trøytt, og stod opp klokko halv sju. Noko som gjorde at eg fekk tid til å trena litt lett styrketrening før frukost. Elles har eg ikkje gjort noko etter frukost, bare slappa av og surfa på nettet, noko som byrjar å bli frykteleg kjedeleg. Merkar at eg byrjar å bli veldig utålmodig etter å koma heim. Eg er og litt tiltakslaus og sløv, har ei kjensle av at eg burde gjera noko, men finne ikkje på noko å gjera. Vi ventar litt forsyningar i dag, kanskje blir det tid til å ta ein tur i land i løpet av dagen og, men akkurat no veit eg ikkje heilt kva som skjer.

25. april
Eg la meg ganske tidleg i går kveld. Det var ingen som skulle inn til land, så det blei ein og ein halv time med slit ute i sola på helidekk, eit nytt parti sjakk mot Erlend (eg tapte igjen…) og så trening (styrkeintervall 10×3min). Vi såg ein film etter middag, “A Scanner Darkly”, som var ok i handling med ein heilt spesiell stil. Etter at eg hadde lagt meg i senga for å lesa litt kom Tom stormande inn og spurte om eg ville heim på fredag. Eg var raskt oppe og snakka med Aslak (sjefen) om kva som skjer. No skal visst båten til Norge og vi kan reisa heim tidleg, så no ser det ut til at eg reise til Madrid på fredag og møte Kanutte der på laurdag, og så blir vi der til torsdag. Skal bli veldig fint

26. april
Ikkje noko å fortelja i dag. Veldig roleg stemning ombord, alle er klare til å reisa heim. Slik det ser ut no er det bare eg som er heldig og har fått fly heim i morgon. Gleda meg veldig til Madrid, sjølv om eg ikkje veit heilt kva vi skal finna på der. Men vi finne nok på noko. Det blir sikkert ein tur inn til land i kveld, i morgon veit eg ikkje heilt kva tid vi går av båten, flyet mitt går ikkje før rundt klokko sju på kvelden, så eg har god tid. Dei fleste andre skal av båten og, då den skal gå litt nordover før mannskapsbyte for båtmannskapet. Det er ikkje så veldig synd på dei som ikkje får fly i morgon heller, det er ikkje så veldig gale å få betalt ferie i Rio.
Det er ikkje sikkert det blir fleire oppdateringar her, kanskje vi kan legga ut eit bilete eller to i frå Madrid.

27. april

28. april

29. april

30. april

01. mai

02. mai

Sitte på Gardermoen og bør vera klar til å reisa. Kan ikkje heilt fatta kva eg faktisk skal ut på (sånn utanom at det er på havet…). 5 veker, sjø, båt, forhåpentlegvis sol, nye folk, ny jobb – det kriblar litt i magen, men så er det jo og ganske så trist å reisa frå Kanutte Var ein tårevåt avskjed i dag tidleg, men vi skal nok klara oss, hjelpe med MSN, Skype og e-post, hadde nok vore atskilleg vanskelegar om vi hadde måtta lita på flaskepost.
Det er ein time og eit kvarter til flyet mitt går, først til København, deretter vidare til Chicago og til slutt Houston. Landar seint (ca halv tolv) lokal tid i Houston, som sikkert blir ein gong på natta her i Oslo (eg har ikkje heilt sett meg inn i kva tidssonar som gjeld for der eg skal, og heller ikkje i Brasil). Eg kan ikkje sei kor i Brasil vi skal, ikkja at eg veit det i utgangspunktet, men sjølv om eg hadde visst det, er ikkje klientane våre (som eg heller ikkje kan røpa namnet på) så veldig glad i at kven som helst fortelle kor dei leitar etter olje.
Blir som alltid irritert på Avinor (i detta tilfellet Oslo lufthavn, sist Værnes) at dei ikkje kan tilby gratis internett, ein må betala. Det er heilt utruleg småleg og gjere at eg ikkje får posta detta mens eg sitte her.

Eg skal forsøka å posta litt her kvar dag eg e vekke, på båten har eg i alle fall internettilgang.
Det er litt kjedeleg å reisa frå Oslo akkurat no sidan det no er blitt kjørt opp skiløyper i marka og det er noko som liknar på vinter ute, men forhåpentlegvis ligg det litt (kanskje meir?) snø når eg kjeme tilbake og. Det blir sikkert ikkje gale med mellom 25 og 30 grader og sol heile dagen heller

På flyet no, passerar snart øve Island og har vore i lufta i omlag 3 timar. Hadde eg vore litt meir merksam hadde eg fått med meg at vi meir eller mindre passerte øve Seimsfoss (i alle fall Odda), men i følgje brosjyren i setet så skulle vi ikkje det, så eg tenkte ikkje på å kikka ut før det var forseint. Har fått middag (Swedish beefstew, godt, men ein litt sparsommeleg porsjon), og slappa ganske bra av med å høyra på musikk (Muse, Artic Monkeys og Richard Ashcroft så langt) og lesa bok (har byrja på The Eye of the World, som er første boka i The Wheel of Time serien til Robert Jordan. Den er litt treig i starten, minnar om Ringenes herre, og kan kanskje visa seg å vera bra). Har dessutan fått eit dobbeltsete for meg sjølv Det var eigentleg ein (truleg amerikanar) som hadde setet ut mot midtgangen, men han tok bladet sitt om kalkunar og kalkunjakt(!) og fann seg eit anna sete før vi letta (han hadde nokon som han reiste med som han flytta bort til, eg trur i alle fall ikkje det var på grunn av meg). Så eg har god plass til meg sjølv. Trur eg skal forsøka å lesa litt meir, og kanskje sjå ein av filmane som blir vist på den vesle skjermen i stolryggen framføre meg.

20. januar

Klokko e ti øve åtta på morgonen, lokal tid her i Galveston (kl 15:10 i Oslo). Eg ligge på eit hotelrom på La Quinta og skrive detta. Manglar bagasje, er litt døgnvill og har vel ikkje fått den starten på turen eg hadde håpa på

Fram til Chicago gjekk alt fint, men då vi stod ved baggasjebeltet for å få baggasjen slik at vi kunne ta den gjennom tollen dukka aldri bagen min opp. Utruleg kjipt, men hadde eit bittelite håp om at alt skulle ordna seg når vi kom til Houston. Eg fekk ringt reiseforsikringsselskapet, men på ei dårleg telefonlinje var det ikkje mykje eg skjøna av dansken i andre enden. Eg hadde uansett med meg eit ekstra skift og litt toalettsaker i handbagasjen, så eg øveleve ein dag. Vidare så var United flyet frå Chicago til Houston ein halvtime forseinka, så vi landa ikkje før midnatt lokaltid, dvs kl 0700 i Oslo. Var nokså trøtt då, og bagasjen kom sjølvsagt ikkje, så eg måtte rapportera den sakna. Heldigvis var det folk for å ta i mot oss på flyplassen (vi var visst 14 stykke totalt som skulle på båten), og på flyplassen sa dei at baggasjen burde vera hos dei kl 10 om morgonen. Kva morgon det er snakk om veit eg ikkje, men håpar på at det er i dag. Uansett så skal flyplassen ringa folka som henta oss, og så kjøre dei bagasjen vidare til hotellet, eller kor eg no enn e når den forhåpentlegvis dukkar opp.

Det var nærare 2 timar og køyra frå flyplassen til Galveston, så det blei seint både lokaltid, og ikkje minst i høve til heimatid før eg endeleg fekk kome meg i seng, ikkje heilt utan problem sjølvsagt. Nøkkelkortet eg fekk til rommet fungerte ikkje første gongen eg var oppe, og ikkje etter at eg hadde vore nede ein gong og fått fyren i resepsjonen til å sjå på det heller. Så eg fekk eit nytt rom, truleg mykje større (2 dobbeltsenger), ikkje at eg bryr meg så mykje om det, eg sovna ganske raskt, og har vel sove omlag fem timar fram til no. No e eg trøytt, men samstundes vaken, og byrjar å bli svolten, så det er kanskje på tide og få ein dusj, ringa reiseforsikringsselskapet igjen og få litt frukost.

PS: På bilturen frå flyplassen til hotellet gjorde eg meg alle moglege slags betraktningar og observasjonar rundt det amerikanske samfunnet vi køyrde gjennom. Akkurat der og då var dei utruleg velfunderte og hadde vore ein utruleg bra post i ein blogg, men no hugsar eg ikkje noko av det, og kanskje var eg bare utruleg overtrøytt. Uansett så er dei foreløpig tapt for alltid, om eg då ikkje kjem på noko av det seinare, og skrive det ned
PPS: Dei har sjølvsagt ikkje noko internett her på hotellet heller, og sidan den utruleg tåpelege mobiltelefonen min ikkjr verkar i USA, så er eg heilt utan kontakt med verda heima. Utruleg frustrerande at slikt faktisk er mogleg i 2007. Vi er kanskje litt bortskjemte?Klokko e no litt øve halv ti på kvelden, og det er vel i grunnen på tide å oppsummera dagen. Eg og Erlend fekk oss frukost på Willer’s, ein sjømatsrestaurant, men frukosten bestod av speilegg, steikt skinke, toast og noko som heite Grit, noko smaklaust som minna litt om graut. Blei no uansett gode og mette. Det bles ganske så mykje her i dag, og det var ein del bølgjer mot stranda. Ganske lang strand, og det er nok ein del folk her i Galveston på andre årstider. No verkar det å vera ganske stille. På hotellet fekk eg endeleg tilgong på internett, det viste seg å vera gratis(!), trådlaust nett, berre ikkje på rommet mitt, som låg lengst mogleg vekk frå resepsjonen. Eg skriv låg, for no e rommet mitt blitt ein lugar ombord på båten (Rem Angler). Vi blei henta i tolvtida og frakta til hamna. Det verkar å vera ein fin båt, eg har fått eigen lugar, og er veldig nøgd med det I dag har det vore litt småhektisk med lassing av forsyningar (mat) og litt nedrigging av utstyr, men det blir nok endo meir hektisk i dagane som kjem med mykje meir nedrigging av gamalt utstyr og oppsetting av nytt. I lag med Ludvig og Erlend har eg fått trent litt i kveld og, blei litt styrketrening i dag (og eit bordtennissett mot Erlend. Eg tapte.), men det er både tredemølle, spinningsykkel, ergometersykkel og stepmaskin, så det skal nok kunna bli litt kondisjonstrening og håpar eg.
Eg har ikkje fått bagasjen min Og eg har heller ikkje fått tid til å handla nye kle, så no håpar eg verkeleg at den kjem i morgon.
No skal eg få meg litt kveldsmat og forhåpentlegvis sova heilt til i morgontidleg etter det.

21. januar
I dag har vore ein litt travel dag, men ikkje så travel som vi haddde sett føre oss. Vi var lova å få ein masse nytt utstyr kl 0800 i morgon tidleg, så blei det lova til kl 0900, men då var klokko allereie passert 0900, så vi skjønte at det utstyret ikkje kom til å koma i dag. Men det har blitt tid til mykje demontering av gamalt og eldgamalt utstyr.
Det er farleg god mat ombord, med speilegg og bacon for dei som vil til kvar frukost, i dag var det til og med pizza til frukost. Ein kan nok lett gå opp ein del kilo om ein ikkje passar på. Eg har vore flink og halde meg til brødmat til frukost, skal prøva å ikkje lessa for mykje på tallerkenen til lunsj og middag og. Men det er vanskeleg når det er tre rettar og ein har lyst til å smaka på alt.
I dag (dvs kl åtta om kvelden) kom endeleg bagasjen min. Det var utruleg fint å få ta ein dusj og skifta til heilt reine klede. Og ikkje minst ha barbersakene tilgjengeleg. Har ikkje fått tid til å gå i noko butikk og handla kle for forsikringspengar, men kanskje det ikkje er for seint i morgon…
Vi har vore ute ein liten tur på ein bar (hotellbar av ein eller annan grunn). Hyggjeleg, men dei har ikkje noko spesielt bra øl her i statane. Lyst, og smakar lite.
Eg kunne nok skreve meir om dagen i dag, men no e klokko blitt nesten halv to på natta, og det er på tide å få litt søvn, for morgondagen blir nok lang og hektisk, for då skal vi få utstyret vi ikkje fekk i dag. Det er ikkje sikkert dette blir publisert med det første, for vi har ikkje internettilgang på båten akkurat no (jamf. nytt utstyr som ikkje er kome).

22. januar
Dagen i dag starta som dei to forrige. Vi blei lova at utstyret (masse datamaskinar forøvrig) skulle vera ute av tollen kl 0600 og deretter køyrt til oss slik at vi kunne få det kl 0830. Det skjedde sjølvsagt ikkje. Så i dag har det vore meir rydding, god mat (hamburger til lunsj) og litt roleg. Men kl 1715 kom endeleg alt utstyret Så då blei det travelt, og det var så vidt vi fekk middag før den blei heilt rydda vekk. Det var ein heilt utruleg god og mør biff med poteter og saus til forresten. Det var (heldigvis, har ikkje godt av) ikkje dessert til oss som kom sist, men eg e flink og ete masse frukt, og det er god nok dessert som noko.
Sidan vi hadde rydda så mykje og lagt masse kablar på førehand har det gått relativt greit å montera det nye utstyret, men vi er ikkje ferdige i dag (eg gav meg litt før kl 22), og blir sikkert ikkje heilt ferdige i måro heller.
Eg har testa tredemølla i dag etter jobb. Jogga ein halvtime og trente litt styrke (diverse sit-ups, hangups ++). Det er andre gongen eg testa trimrommet (eigentleg to), og ser igjen at det kan bli vanskeleg å få nok kondisjonstrening dessverre. Verken tredemølla eller spinningsykkelen er i tipptopp stand, noko som er veldig synd. Eg har heller ikkje fått hengt opp nokre klatregrep/opptrekk som eg har liggande i bagen, men det får eg ta ein dag eg er litt tidlegare ferdig med å jobba.
Det er jo litt synd at eg ikkje har fått sett noko særleg til USA medan eg e her. Har fått sett litt, men har ikkje opplevd USA (utanom at ting tar tid, her og). Kan henda vi blir litt tidlegare ferdige i måro, så eg i alle fall kan få sett litt meir av Galveston i det minste.
No e klokko passert elleve på kvelden og eg merkar eg byrjar å bli ganske så trøytt, så det er på tide å sei at dette er nok oppsummering av dagen i dag, og få seg ein dusj og litt søvn.

23. januar
No e klokko akkurat halv ni og eg e ferdig for dagen! Vi har ikkje hatt det så travelt i dag, litt forskjellig rundt omkring, men det mest prekære er vi ferdige med. Så no har eg tenkt å trena litt og kanskje til og med få tid til å lesa litt meir i The Eye of The World før eg legge meg. Og eg burde byrja å høyra på musikk slik at eg kan laga meg ei Topp100 liste eg og.
Eg har veldig lyst til at vi no skal koma oss ut på havet, eit cruise i Karibien fristar veldig no etter å ha lege her i mange dagar utan eigentleg å ha gjort så veldig mykje. Veret er heller ikkje så veldig bra her i Galveston (ikkje det at eg ser så veldig mykje til det, er for det meste inne under dekk utan utsikt). Men det ser ut til at vi blir liggande her til fredag
Eg skal forsøka å få lagt ut nokre bilete og i løpet av dei næraste dagane, men det er ikkje så veldig rask internettilkopling vi har her, og då vil eg ikkje bruka for mykje av den no når vi har så ustabile forhald med mykje nytt utstyr (ikkje har eg teke så mange bilete endo heller…). Men det kjeme.

24. januar
I dag har vi faktisk fått gjort ein del, men da mesta er rydding. Og vi (dei tre felt geofysikarane) byrjar å bli ganske så lei av det. Så vi nyttar alle sjansar til å vera med på andre ting. Vi har, utanom å rydda på instrumentrommet (det er der vi har brukt mesteparten av tida fram til no på å setta opp nytt utstyr) mellom anna vore med på å sjekka noko av utstyret på kjelda (eg skal skriva litt om kva vi faktisk gjere i ein seinare post, legge inn ei lenke då). Spanande å sjå litt av utstyret på nært hald. Men viktigare, eg har vore på Walmart.

Ein ganske liten Walmart i amerikanske målestokk, gigantisk i alle andre butikkmålestokkar. Dei har alt, eller meir presist, dei har noko i alle kategoriar. Kvaliteten er nok for det meste på linje med Clas Ohlson (maten veit eg ikkje, den er for bra på båten til at vi såg noko behov for å sjekka den nærare). Eg fekk no plukka med meg eit par saker for ikkje så mange kronene, mellom anna ei bok basert på 24. Er litt i tvil om at den er noko bra, men til 30 kroner er det verdt eit forsøk. Ein ting eg blei positivt overraska av var kor stor plass og kor ryddig det var. Veldig lett å koma fram over alt inne i butikken og lett å finna fram.
For å koma oss til Walmart ringte vi til vår private taxi-sjåfør. Det verkar som om det er ganske så stor konkurranse, eller kanskje heller eit behov for kundar for å overleva, mellom dei ulike drosjesjåførane, sjølv dei som køyrer for det same firmaet. Så det førte til at sjåføren i den første drosjen nokon frå båten tok gav oss privatnummeret sitt, og no brukar alle han, i alle fall når han har tid.
No er det blitt seint igjen, dvs klokko har passert halv elleve. Kanskje ikkje så seint for dei fleste, men når ein jobbar tolv timar (pluss) om dagen så blir ein litt tidleg trøytt. Håpar det ikkje blir slik at eg ikkje orkar å trena når vi kjeme ut på sjøen (eg har ikkje vore flink og trena i dag). På tide med ein dusj og litt søvn

25. januar
Rolegare i dag. Folka med hovudansvaret for det nye utstyret reiste heim til Norge rundt lunsj, og då blei det mykje mindre stress for oss som er igjen. Vi som ikkje har hatt noko spesielt prosjekt har blitt springande litt i mellom alle og hatt mykje å gjera for alle. Det blir veldig travelt og stressande når ein har tusen ting som må gjerast og aldri blir meir enn halvferdig før nestemann kjem og vil ha noko anna gjort. Men det blei som sagt litt rolegare (og betre) etter lunsj. Vi har fått sett meir inngåande på kjelda og fått litt meir oversikt øve kva som må gjerast framøve. Sånn som det ser ut no e vi litt underbemannna, i alle fall fram til vi kjeme til Brasil, og det er eigentleg ingen av oss som har heilt oversikt og kunnskap om alt som skal gjerast i forbinding med eit oppdrag. Så det blir ei stor utfordring på dei tolv dagane vi har på overfarta ned til Brasil og øva og læra korleis alt utstyret fungerar, korleis det skal settast ut og opererast.
Det såg ut til at vi kunne ta ein ganske tidleg kveld i dag, men plutseleg dukka det opp eit uforklarleg problem med ein del av utstyret, så vi måtte demontera det (ein del av “fisken” vi tauar etter oss som ikkje kommuniserte som den skulle), noko som er ein litt stor og tung jobb. Vi fann sjølvsagt ikkje noko gale då vi hadde demontert utstyret, og då vi skrudde det saman igjen fungerte plutseleg alt som det skulle. Det var jo vel og bra, men tido hadde sprunge litt i frå oss og blitt nesten halvti før vi var ferdige. Det er ikkje så mange igjen av EMGS mannskapet, då veldig mange som har vore her for montering av nytt utstyr reiste heim i går og i dag, litt tidleg kanskje, men det får tido visa. Uansett så tok vi som er igjen ein liten tur på byen. No er klokko akkurat passert midnatt, så det seie seg sjølv at det ikkje vart så veldig lang tur. Vi var på ein irsk pub (Molly’s) der vi heldigvis fekk noko litt mørkare øl enn Buddweisser light (Guinness).
Ein ting som har skjedd i dag, utan at eg fekk det med meg i det heile tatt, var at båten har snudd side (nei, eg har ikkje sove på jobb, sjølv om eg e litt trøytt innimellom). No e da litt lettare å koma seg i land, leidaren går omtrent i høgde med kaien og ikkje heilt opp til toppdekket.
Eg var og oppe og såg på heilkopterdekket for fyrste gong i dag. Hadde ganske bra utsikt og solsengene låg klare rett under, så no er vi endo meir klar for cruise i Karibien. Eg hadde ikkje med kamera opp, men eg skulle ha hatt det med for å ha teke bilete av pelikanane som glei forbi. Utruleg nok såg eg og ein hamnecruisebåt, ikkje noko eg ville ha teke om eg av ein eller annan merkeleg grunn skulle finna på å vera turist i Galveston på denne tida av året.
No e da på tide å legga seg, blir sikkert ein travel dag i måro om det faktisk blir avreise på lørdag. Vi har mykje utstyr som har blitt nedrigga og ligge i esker som skal inn i ein containar vi har blitt lova i eit par dagar no, pluss ein heil haug med andre ting som bør gjerast før vi forlet kaien. Trur kanskje eg må ta ein dusj og. Er det ein ting eg vil takka den forrige (eller var det den før det igjen, i alle fall Høybråten) regjeringa for er det røykeforbodet på uteplassar. Alt av kle og meg sjølv stinkar etter kun ein kort tur ute.

Om det faktisk er nokon som lese dette blir eg veldig glad for kommentarar Eller du kan senda ein epost til meg.

26. januar
Endeleg ser det ut til at vi faktisk skal forlata Galveston. Absolutt på tide. I ettermiddag fekk vi noko navigasjonsutstyr vi har venta på heile tida vi har lege her. DHL har sendt det eit par gonger mellom USA og England, men no har det til slutt dukka opp. Så då har vi i alle fall fått det viktigaste, og er klare til å legga frå kai kl 12 i morgon. Det skal bli utruleg fint å få koma seg ut på sjøen (trur kanskje eg har sagt det eit par gongar no). Eg har ei kjensle av at lufta har gått litt ut av oss alle dei siste dagane i irritasjon og oppgitthet øve ting som ikkje er på plass når det skal. Men som sagt, alt er på plass no og eg er i alle fall veldig klar for å få sett kva jobben min faktisk går ut på. Å trekka kablar og rydda har ikkje vore så veldig inspirerande fleire dagar i strekk.

I dag har eg, utanom å hatt lange pausar (ikkje bare meg som hadde nesten ein heil times pause kl tre) og gått rundt og rydda litt her og der, stabla opp og pakka pallar, trent igjen Fekk sykla litt meir (eg sykla ein dag tidlegare om eg ikkje skreiv det) på spinningsykkelen, noko som var deileg. Så eg har i alle fall fått trent litt i løpe av denna første veka (jippi, kun 4 igjen), og no håpar eg at det skal bli mogleg å få litt fast rutine på det på vegen ned til Brasil (vi skal bruka 12 dagar ned). I dag fekk vi og ei til tredemølle ombord, men den er ikkje montert opp. Eg har uansett foreslege konkuranse om fyrstemann til Brasil

Sidan det i dag var så fint ver og lite å ta seg til har eg og fått teke nokre bilete. Litt av utstyret og båten. Dei kan du sjå her. Eg lurte litt på om eg skulle skriva noko om båten, men veit ikkje heilt kva. Om det er nokon som lure på noko, skulle det vera kva mat eg får, korleis eg bur osv. så bare spør. No skal eg henta klesvaska mi som forhåpentlegvis er klar og så skal eg lesa eit nytt kapittel i boka mi før eg legge meg.

27. januar
Endeleg! Vi har forlete Galveston og e ein stad ute i Mexicogolfen Dagen i dag har vore ein fin, passe roleg dag. Fram til lunsj (veldig god pizza forresten) var det mest fast stropping av alt mogleg som kan tenkast å røra på seg ved litt sjø. Etter lunsj har vi (Erlend, Ludvig og meg) brukt tida på å setta saman den nye tredemølla og henga opp klatregrep. Både Ludvig og eg har med ulike klatretreningsgrep og det var no på tide å få opp dei. Mine er to lause til kvar arm som er relativt enkle å henga opp i to tau, men Ludvig sitt er eit brett som på eit eller anna vis må festast i ein halv centimeter tjukt stål… Vi har fått opp mine og laga eit slags feste til brettet til Ludvig, men vi har ikkje fått det opp endo sio det involverar det allerie nemde stålet som og befinne seg to og ein halv meter over dekk. Vi får tenka litt på korleis vi skal løysa det.

Men det viktigaste og kjekkaste er sjølvsagt at vi no har kasta loss. Mellom kl 12 og 13 ein gong kom losen ombord og vi tøffa ut ein slags kanal og vidare ut på ope hav. Heilt ope er det rett nok ikkje, i nær sagt alle retningar er det ein eller anna form for oljeplattform eller rigg. Og båtar, store tankarar og mindre tankarar, masse båtar. Det er litt sjø og båten gyngar litt, men eg har no ikkje blitt dårleg så langt, og det hadde eg no ikkje venta heller, tidlegare har det i alle fall gått fint i all slags ver.
Eg har og fått testa den nye tredemølla, noko som var ei litt spesiell oppleving på sjøen. Gymrommet e plassert langt framme i båten og det resulterar i litt gynging både her og der, noko som gjere jogging på tredemølla til ei lita utfordring. Plutseleg lettar ein mens ein i neste augneblink er i bratt oppoverbakke. Fekk meg no uansett ein tur på 40 minutt og deretter intervalltrening (6×3 min) på sykkelen. Så litt trening blir det heldigvis, men kanskje ikkje det er nok når middagen var taco (var flink og tok kun to stykke, pluss ein liten creme brulé til dessert…).
Vi er som sagt ein stad i Mexicogulfen akkurat no (28grader 17,38′ N – 93grader 07,44 W). Vi tøffar i om lag 12,3 knop i søraustleg retning og det skal vi gjera til omlag lunsjtid i morgon. Då skal vi prøva å få opp to mottakarar som ligge igjen på havbotn etter sist oppdrag. Det trur eg kan bli veldig gøy, spesielt om vi får dei opp, og ei utfordring fordi veldig få av EMGS-mannskapt har noko særleg erfaring med akkurat det (det har vore eit anna firma som har hatt det ansvaret før, men no har vi teke øve det og).
No skal eg ta meg ein tur opp på brua og ut på toppdekket for å sjå om det er ein fin stjernehimmel og etter det ta ein tidleg kveld, klokko er akkurat passert ti. Det er for mykje sjø no til å forsøka å ta noko bilete av himmelen, men eg håpar det kan koma sjansar for det seinare.Tusen takk for alle tilbakemeldingar og helsingar

28. januar
Dårleg dag. I alle fall dårleg natt. Det starta omlag 5 minuttar etter at eg hadde skreve oppdateringa i går kveld. Heilt plutseleg blei eg utruleg sjøsjuk og frå å vera nokså frisk og rask til å spy i do gjekk det kun fem minuttar. Det er noko med måten båten rører seg i bølgjene på som eg ikkje taklar. Det er nesten ikkje bølgjer, men båten gynge gått i frå side til side i ei roleg jamn rulling. Og det taklar eg ikkje. Trur det hadde vore mykje betre med store, krappe bølgjer og mykje vind. Så eg spydde ja, og sov nokså dårleg. Anten så fungerte ikkje airconditionanlegget eller så hadde eg eit lite anfall av feber. Har vore nokså redusert i dag, i alle fall fram til lunsj, men i stand til å jobba. Ikkje det at vi har gjort så mykje spanande uansett. Vi skulle forsøka å plukka opp to mottakarar som det forrige mannskapet ikkje hadde fått opp i sist oppdrag. Men sjølv om vi fekk kontakt og kommuniserte og sendte melding om at no skulle dei sleppa seg frå ankera kom dei ikkje opp.

Så då blei det ikkje noko øving på å ta ombord mottakarar på oss. I staden hadde vi evakueringsmønstring (det hadde vi vel hatt uansett…) der vi gjekk til livbåtposisjonane og tok på oss redningsvest og fekk ei lita briefing. Nyttig. Og så har vi byrja å laga ei oversikt øve kva vi har og ikkje har ombord. I alle fall nyttig.
Eg har følt meg betre og betre utøve dagen og, så no er ikkje formen så ille. Det hjalp og å få sjøen inn meir akterut. Det er ei rørsle som passar meg betre. Eg var eigentleg veldig overraska øve at eg skulle bli so dårleg, har aldri så vidt eg hugsa vore så sjøsjuk nokon gong (da veit sikkert mamma og pappa betre enn meg), men i alle fall ikkje dei siste 10 åra, og i marinen ombord på “Horten” hadde vi alt slag ver. Uansett så e eg ikkje så veldig bekymra no, trur det raskt går øve og alt blir som normalt.
Eg har og i lag med Ludvig skrudd i saman ei romaskin og den har eg rodd 5000 meter på i kveld. I tillegg har eg tatt ein liten joggetur og trent ein del styrke. Alt i alt ein og ein halv time med trening i dag og. Eg skal forsøka å bli flinkare til å utnytta pausar betre til å trena litt styrke i staden for sete- og kjevemuskelen Ta litt hang-ups innimellom.
No e kl snart ti og eg har fått i meg litt mat. Trur eg skal legga meg og lesa litt. Dei andre ser på “Lucky number Slevin” som eg har sett før. Ein knallbra film forresten. No skal forresten MSN (og Skype) verka til å chatta med her hos meg og
Posisjonen no er om lag 25grader33.15′ N 89grader16.38′ W

29. januar
Bra dag Har ikkje vore kvalm eller noko som helst antydning til sjøsjuk i heile dag. Har fått lært ein god del om dei prosesseringsverktøy vi skal bruka og testa dei på (gamle) reelle data. Og så har eg som eg sa i går fått MSN til å virka, kjekt å få chatta litt med folk igjen. Elles så e da ikkje så mykje spanande å fortelja, har stort sett sete framføre pc’en og jobba heile dagen fram til kl 20.

Einaste e at Ludvig og eg byrja på prosjektet med å henga opp klatretreningsbrettet. Noko som viste seg å ta litt tid. Lure som vi er bestemte vi oss for å bora feste, dvs hol, til 10mm bolt. Igjennom 1 cm stål. Det tek laaang tid. Og er slitsomt. Spesielt slitsomt når ein balanserar på ein kasse som står i ein båt som gyngar at og fram. Og ein skal bora i skulderhøgde. Vi fekk laga to av fire hol i dag, sjølv om vi gjekk ned til 6mm på det siste holet. Brukte nesten ein time på det første.
Og så har eg vore flink og ete mykje mindre mat enn eg har gjort tidlegare, og helde meg unna kaker og snacks i pausane, men forsynt meg av frukta. Og trent omlag ein og ein halv time i dag og. Først 40 min på tredemølla, deretter eit 10 min intervall på spinningsykkelen og så 2500 m på romaskina før eg avslutta med eit nytt 10 minuttars intervall på sykkelen. Med oppvarming og nedtrapping blei det passe. Synest eg har kome inn i ein fin treningsrytme, og ser at det ikkje er umogleg å utvida treningstida kvar dag med ein halvtime eller meir.
No skal eg opp i messa og få meg litt kveldsmat og sjå slutten av Lord of War med Nicolas Cage. Ein veldig bra film det og Og så må eg opp på brua og sjå om eg ser Cuba.
Posisjon: 22g10.06′N 85g48.77′N

30. januar

Ei lita oppdatering litt tidlegare enn vanleg, men folk har vel lagt seg i Noreg uansett. Har akkurat ete middag. Trur det er første grillmåltidet mitt for i år, i alle fall utandørs Slett ikkje verst å kunna sitta ute i shorts og t-skjorte og eta grillmat 30. januar. Og i morgon er det snakk om at badebassenget skal koma opp. Men bare så da e sagt så e eg misunneleg på dåke heima som har snø og kan gå på ski og.

Elles har det ikkje vore noke spanande som har skjedd i dag, vi har brukt mykje tid på å telja og få oversikt over innhaldet på lagera. Ikkje lett når ting ikkje er merka og alt er ulike delar som eg i alle fall ikkje har peiling på kva er til eller er i det heile. Men da går no da og på eit vis. Einaste e at det e frykteleg varmt nede på lageret, mykje varmare enn ute på dekk der det no var omlag 24 grader.

Og eg såg ikkje Cuba i går kveld om nokon lurte på det. Veit ikkje heilt kva eg skal ta meg til i kveld, blir nok kanskje trening, elles så skal eg lesa litt bok eller sjå om dei andre skal sjå ein film. Kunne vore fint å ha nokre timar heilt fri og, sjølv om eg sjølvsagt burde trena. Kanskje kan eg skriva litt meir her og litt seinare. Eg legge ut litt fleire bilete og no.
Posisjon: 19g52′N 82g40′W Vi passerar Cayman Island i løpet av natta.

31. januar
Varmt! Det har, og vil vel kanskje og fortsetja slik, blitt omlag 2 grader varmare for kvar dag. No er vil vel oppe i omlag 26 grader. Merkar varmen stort sett øve alt på båten der det ikkje er skikkeleg klimaanlegg, men det er til gjengjeld alt som er “inne”. Slik som instrumentrommet, lugarar, messe, brua og så vidare. Men ikkje lagera der vi har jobba (tre personar med femårig universitetsutdanning telle skruer) stort sett heile dagane og i det som vi kallar “Receiver check”, eit arbeidsrom naturleg nok brukt til å sjekka og konfigurera mottakarane (dei gule på bileta eg har lagt ut). Der skal det eigentleg vera, men motoren til anlegget er øydelagd og det var umogleg å få ny i USA.
Uansett, det er varmt og eg hadde ikkje tenkt å skriva så langt i dag. Vi stille klokko i natt (fram), så det er på tide å legga seg ganske snart. Må bare få i meg litt kveldsmat og vatn. Har trent litt på spinningsykkelen (4×10 min) og spelt eit par bordtenninssett (tapte alle…), og så har vi endeleg fått opp klatretreningsbrettet til Ludvig. Og så må eg sei at eg har fått litt sol på kroppen i dag, deileg å sitja ute med bar overkropp i pausane i dag Høyre da regna heima, i alle fall i Oslo. Og så må eg hugsa å nemna at eg er blitt utruleg fasinert av blåfargen på sjøen her. Har ikkje fått teke noke bra bilete av det, men det er ein heilt fantastisk flott farge, og særleg med det krittkvite skummet frå båten og bølgjer som bryt.
Til slutt posisjonen: 17g22′ N og 77g08′ W

1. februar

Ei lita oppdatering. Legge ut eit par bilete frå i dag her. Vi har akkurat hatt ein liten pause på helikopterdekk. Ikkje det verste ein kan gjera på Kjeme til å skriva meir i kveld
Det er ikkje så veldig mykje å skriva heim om i dag heller. Dagane går framleis i rydding og telling dessverre, men vi ser vel at vi nærmar oss slutten på det, og kan byrja oss å konsentrera oss om å leika med utstyret og kanskje sola oss litt. For det er det mykje av Hadde ein strålande trepause. Klokko tre naturlegvis, men vi strakk han til nesten kvart på fire. Som dåke skjønar har vi det travelt.
Elles så tenkte eg i dag at det i grunnen e veldig få teikn til liv her ute på havet. Eg stod på toppdekk og håpa at det kanskje dukka opp ein kval eller hai eller i det minste ein flygefisk. Og det gjorde det akkurat då! Ein flygefisk altså Ein liten sølvfarga fisk med venger hoppa/fauk/segla bortøve overflata eit lite stykke. På avstand likna han litt på ein litt stor augestikkar, berre med venger i ro. I trepausen såg eg to til, den eine segla verkeleg langt avgarde. Dei blir nok litt skremde av motorduren vår og flyktar opp i lufta. Eller kanskje det var ein hai som jaga dei opp…
Elles så er det framleis varmt, men blir meir vant til varmen og trur ikkje det var fullt så trykkande i dag. Men eit sikkert teikn på at det er ganske varmt er at det ikkje er mogleg å få kaldt eller kjøleg vatn når ein dusjar. Blir nesten varmare når eg skrur øve på heilt kaldt.
I kveld (klokko e no ti på halvti) trur eg eg skal slappa av med å lesa vidare i boka mi. Den e på øve 800 sider og eg nærmar meg godt og vel halvvegs. Det er litt meir sjø i dag, men den kjem mest rett i mot og då er det ikkje så ille, sjølv om det gyngar kraftig. Men det er berre gøy når ein går ned korridorane. Det er nesten som ein lettar og glir i lufta om ein bereknar stega rett
Eg har trent ein halvtime med intervall på tredemølla og ein del styrke på armar og overkropp i dag og. Sikkert ikkje så mange som er så veldig interessert i kor mykje eg trenar, men eg har no tenkt å dokumentera da for meg sjølv uansett, så når eg fyrst skriv her så treng eg ikkje skriva ting fleire plassar. Det hadde blitt for mykje å halda styr på.
Som vanleg kan eg avslutta dagen med posisjonen no: 16g02′ N og 73g16′ W.

2. februar
Ikkje så mykje å fortelja i dag heller. Har hatt nokså store bølgjer i dag (og i natt), omlag 4 meter. Ein blir ganske sleten av det etterkvart. Og eg blei nokså dårleg ei stund etter at eg sat framføre pc’en ein lang periode og jobba. Men det kom seg heldigvis etter 20 minuttar liggande i sola ved helidekk. Så resten av dagen (det var i trepausen) har gått bra.
Resten av dagen har vi ikkje gjort så veldig mykje. Eg har øvd meg på å kjøra analysar av data og så har vi byrja å testa utstyr. Før middag sat eg på toppdekk og fekk med meg ein nydeleg solnedgang. Prøvde å ta nokre bilete, men veit ikkje kor vellukka dei vart, ser ut til at det har kome litt fukt inn i kameraet. Det duggar i alle fall kraftig på og i objektivet når eg går ut for å ta bilete. Det er vel og noko som blir ekstra tydeleg her sidan det inne er tørr airconditionluft medan det ute er nokså fuktig, særleg merkar ein det når sola er i ferd med å gå ned og ikkje varmar så mykje. Skal sjå i morgon om eg får lagt ut eit par av dei om dei visar seg å vera noko og ikkje fulle av dogg.
Sjøen og vinden har heldigvis roa seg veldig utøve kvelden, men framleis er det enkelte bølgjer som gjere at ein nesten lettar der ein sit eller ligg. Eg har ikkje trent i dag i og med at eg var så dårleg tidlegare i dag, så vi blei sittande å sjå film. Vi såg “Kiss Kiss, Bang Bang” som eg på førehand trudde skulle vera bra. Den viste seg å vera veldig bra
No er klokko blitt kvart øve ti og eg trur eg skal legga meg tidleg, kanskje lesa eit kapitell i boka og setta klokko til å ringa ein halvtime tidlegare i morgon og ta meg ein joggetur. Om det faktisk skjer får tida visa…
Posisjonen i dag er omlag: 14g31′ N og 69g04′ W.

3. februar

Blanda dag i dag. Før lunsj kjeda eg meg noko heilt utruleg. Blei nok ganske lei i går då eg var dårleg og det kombinert med ingenting å gjera før lunsj og tanken på at det skulle bli slik heile resten av vegen til Natal (meir enn ei veke til vi er der) gjorde meg ganske så frustrert. Eg blei fekk nok litt heimlengsel. Heldigvis gjekk det betre etter lunsj då eg fekk meir å gjera og låg litt i sola og jobba med brunfargen i ein pause.
Vi har byrja testing av utstyr, noko som tek mykje tid då det er store ting som må flyttast på og mange boltar og mutrar som skal løysast og skruast på igjen. Uansett så er ikkje det så veldig interessant for andre
Eg var forresten lika flink som eg hadde tenkt i går kveld. Stod opp tidleg og sprang ein halvtime på tredemølla før frukost. I kveld skulle eg og vera veldig flink. Hadde planlagt å ta ei god intervalltrening på spinningsykkelen, men det var ikkje plass ved den så då blei det den gamle tredemølla. Tabbe… Flink som eg er greide eg å detta av mølla og eit eller anna i kneet laga ein lyd og da gjorde vondt. Eg låg og vrei meg på dekket eit par minutt før eg fekk stabla meg opp og prøvde å jogga heilt roleg. Det gjekk heldigvis nokså bra, så alt er nok ikkje øydelagd. Eg kom meg og opp trappene til lugaren og fekk lagt på ein ispose. Den hadde eg på ein god halvtime og det hjalp trur eg. No har det gått ei god stund, eg har ete litt kveldsmat (restar av pizzaen frå lunsj) og fått stelt meg for natta. Det verke framleis godt i kneet, men håpar det er betre i morgon tidleg.
Klokko e bare blitt ti påp halv elleve, men vi stille klokko fram ein time igjen i natt, så då er det eigentleg bare å få lagt seg. Ikkje noken lange søndagsmorgonar her. Alle dagar er meir eller mindre like, kanskje maten er det einaste ein kan skilja dei frå kvarandre på. Så i morgon blir tidsskilnaden til Noreg bare fem timar. Vi skal stilla klokko fram to gonger til før vi er framme, så det blir nok ikkje så stor omstilling når eg kjem heim. Kun to og ei halv veke igjen no Håpar eg i alle fall, det kanskje bli opptil tre veker, men det minkar!
Posisjonen i kveld er: 13g06′ N og 65g36′ W.

4. februar
I kveld kan eg byrja med posisjonen: 12g42′ N og 65g06′ W. Om ein er litt merksam ser ein at vi ikkje har forflytta oss særleg langt. Klokko e no ti og vi har i grunnen bare gått på fram i 5 timar sidan i går kveld. Eg fekk ikkje heilt med meg at vi faktisk stoppa i går kveld. Ein eller annan gong slutta den eine hjelpemotoren å fungera, og for å fiksa den måtte dei først kjøla han ned i 7-8 timar og så har det vel teke litt lengre tid enn dei hadde trudd å få motoren til å fungera igjen. No er vi uansett omlag 20 timar ekstra forseinka. Ser ut til at det blir ganske lita tid til faktisk læra kva jobben faktisk går ut på, men vi rekke vel å setta ut mottakarar om myndigheitene i Brasil ikkje er altfor byråkratiske når dei skal klarera skipet. Men om vi må bli i Natal eit par dagar så er nok ikkje det så ille heller, har høyrt det skal vera ganske bra strender der.
Det har eigentleg vore ganske behageleg å ligga i ro og duppa. Merkar sjøen mykje mindre enn no når vi går rett opp mot bølgjene, men det har no roa seg ganske mykje, så eg trur ikkje eg kjem til å bli dårleg i dag (no skal eg uansett sova). Men det er framleis nokre kraftige dønningar som ein merkar godt.
Vi har helde fram med å sjekka utstyr, men eg har og hatt god tid til å lesa litt om magnetometer. På soldekk sjølvsagt Byrjar å få litt farge. Elles så har eg ikkje gjort så mykje spanande, kneet, eller eigentleg rett under kneet, som eg hadde vondt i i går er mykje betre i dag, men litt ømt. Eg har ikkje jogga eller sykla i dag, berre trent litt styrke på armane. Og så har eg sett litt film på laptopen og lese ein del i boka mi. Har i grunnen fått slappa av litt som på ein søndag heime. Nesten i alle fall.
Eg har i grunnen ikkje så mykje meir å fortelja i dag, dagane er ganske like. Ein dag mindre til eg kjeme heim, 17 dagar igjen til eg reise om det blir mannskapsskifte på onsdag den 21. som planlagt.

5. februar
Posisjonen er, eller var for nokre minuttar sidan: 11g37′ N og 61g00′ W noko som betyr at vi passerte Grenada litt tidlegare i kveld. Noko eg ikkje fekk med meg i det heile. I dag har vi faktisk jobba ganske bra. Eg og Shingy (ein artig fyr frå Glasgow som ler omtrent heile tida) tok, som i går, første skift med batteribyte på mottakarane. Dette gjorde vi fram til lunsj og greide fira stykk, noko som gjorde oss til nye Champions of Caribbean (vi har “Champion of” som tittel på alt mogleg, det er ei intern greie (ikkje seriøst) som henspeilar på enkelte amerikanske “sjefstitlar”.), men vi mista den etter lunsj Då greide neste skift seks stykk, men dei fekk litt hjelp og brukte litt lengre tid enn oss, og eg var uansett med på å ta tittelen tilbake etter middag. Då fekk vi verkeleg fart på oss og greide ni stykk på omtrent same tid som vi brukte på fira. Men vi var no fleire og greide å effektivisera “drifta”. Uansett, det betyr at eg har flytta mykje på pallar med tunge ting på og skrudd utruleg mange mutrar laus og på igjen. Men dagen har no gått ganske fort og eg har ei kjensle av å ha gjort noke. Og det er jo kjekt. Eg har jo sjølvsagt og fått litt tid (omlag ein time) til å sitta/ligga i sola og jobba med fargen.
Eg har og fått trent litt, sykla ganske roleg på spinningsykkelen i 50 minutt med eit par litt hardare intervall innimellom. Det gjekk ganske bra med beinet, kjente ikkje meir til smertene i alle fall, same kor mykje eg tok i. Fekk og tatt ein del sit-ups og så trente eg og Ludvig ein del hang-ups og fingertrening på klatretreningsgrepa våre. I tillegg har eg trent hang-ups på omtrent alle bjelkar eg har passert i heile dag. Har blitt ein del
Eg lurte på om eg skulle skriva litt meir om båten og diverse anna i dag, men klokko har passert elleve og sidan vi jobba til ni og eg trente etter det trur eg eg må ta det ein annan dag. No får eg ta ein dusj og legga meg.

6. februar
Fin dag i dag. Ikkje veldig supert ver, men dagen har gått fort og da e stort sett det som telle når eg ikkje e heima. Vi har hatt mykje å gjera med å testa om mottakarane fungerar som dei skal i dag, og vil nok driva på med det i dagane som kjem. I alle fall fram til fredag. Det er planlagt at vi skal ha ein felttest og kalibrering av utstyr då. Passar bra å få delt opp den siste veka før vi når Natal litt. I tillegg har vi visst noko å sjå fram til, eventuelt grua oss frykteleg til (i alle fall sa kaptein Kjell det på ein bar i Galveston) på lørdag. Då skal vi etter planen passera ekvator og med det følgje det ein sermoni for dei (meg inkludert sjølvsagt) som ikkje har gjort det før. Men om vi overleve får vi diplom!
Ein annan ting som gjere at eg e nøgd med dagen er at eg har hatt ei skikkeleg treningsøkt: 8×5 minutt intervall på spinningsykkelen pluss litt oppvarming og nedtrapping. Eg har ikkje teke så mange hang-ups i dag, litt sleten i armane i dag…
No bør eg vel eigentleg legga meg snart, litt trøytt i sju-åtte-tida i dag, men eg måtte setta på ei klesvask etter treninga, så eg “må” nok lesa i boka mi i kveld. Håpar eg kan bli ferdig med ho før eg skal heim, så kan eg kanskje få byrja på ei av dei fem andre eg har med. Trur ikkje eg eigentleg har rekna heilt feil med kor mange eg skulle ha med meg, heller ikkje kor mykje videoar og musikk eg burde ha med meg – på ein normal tur. Det blir litt spesielt når vi ikkje jobbar skift på nesten heile turen og det har blitt enkelte ekstra lange dagar. Så eg tek nok med meg lika mykje neste gong, kanskje eg faktisk kan få gjort noko konstruktivt med Topp 100 lista mi då
Sjøen har vel eigentleg roa seg veldig no og det er mykje mindre vind enn tidlegare. Men det er framleis nokre store dønningar som verkeleg gyngar på båten innimellom. Det gjere da vanskeleg å sykla som eg har gjort i dag. Når ein må passa på og legga seg over for at spinningsykkelen ikkje skal velta i bølgjene gyngar det litt
No har eg fått i meg kveldsmat. Gryn og melk som ikkje går ut på dato før i august, den ferske gjekk ut på dato for fire dagar sidan så den er fjerna. Det er visst ganske strenge reglar for slikt i Brasil (best før datoar på matvarer altså), og ein kan få store bøter om klareringsfolka (dei som vi håpar ikkje skal vera altfor byråkratiske når vi kjem til Natal) finn slikt. I tillegg har vi no fått ti – 10 – ulike bossbøtter. Har og fått høyra at det kjeme ti nye personar ombord i Natal, og må vel rekna med at eg ikkje får einelugar etter det. Håpar den eg må dela med går motsatt skift av meg. Dette var vel ein liten digresjon frå det faktum at eg har fått i meg kveldsmat og det er på tide å pussa tenna og lesa litt. Så som avslutning, her er posisjonen i kveld: 9g34′ N og 57g09′ W.

7. februar
Bra dag i dag og. Vi held fram med testing av mottakarane, noko som er relativt behageleg. Ganske så varmt der vi held på, men det blir ein vant til og det er rett og slett ikkje mogleg å halda noko veldig høgt tempo på grunn av dei testane vi gjere. Så då får ein på ein måte slappa litt av samstundes som ein jobbar og tida går. I tillegg hadde eg og Erlend eit prosjekt med å henta litt vatn i frå sjøen med ei bøtte og ein taustump. Gjekk bra, men litt treigt, får bruka brannpumpa neste gong. Vatnet er heilt utruleg klart, skulle tru det var det finaste fjellvatn, i alle fall noko heilt anna enn vatnet i fjordane heime.
No e klokko kvart på ni, vi (dei tre FG’ane) var ferdige for dagen for ein liten halvtime sidan. Det ser ut til at eg no tek ein dusj og at vi innvilgar oss treningsfri for å hindra at vi blir overtrente Blir nok til at vi sette på ein film i staden for. Det går i James Bond for tida i kinosalen, så det er nok fare for at det er ein slik ein i kveld og. Trur det er 16 eller 17 igjen i boksen.
Får sjå om eg skrive litt meir før eg legge meg, må jo ha med posisjonen i kveld og. Det blir kanskje bare i dag og i morgon før søndag kanskje sidan vi skal ha test på fredag. Sjølv om det ikkje har noke med oljeleiting å gjera treng eg ikkje opplysa for heile verda kor vi er akkurat då.
Eg kom ikkje på at vi stille klokko fram ein time til i natt, så det var ikkje stemning for nokon lang film i kveld. Det blei difor to episodar med “The Simpsons”, noko som passa meg heilt fint. No er klokko ti, eller elleve etter at vi har stilt klokko, så det er på tide å legga seg i køya, lesa eit kapittel i boka og sova litt. Håpar på meir sol i morgon då det blir ein del arbeid ute på toppdekk om det er ver (ikkje mykje vind eller regn) til det.
Posisjonen er no rett før eg legge meg: 7g18′ N og 53g32′ W.

8. februar
Eg e nøgd med dagen i dag og Har fått jobba ein del og trent ganske mykje. Og sett film, i alle fall delar av ein film. James Bond “Living daylight” eller noko i den duren stod på og då eg fann meg kveldsmat blei eg sittande framføre komaboksen og sjå på. No greide eg heldigvis å riva meg laus, det var nok ein halvtime igjen, men ingen grunn til å sjå meir. Byrja dagen med å ikkje ha noko å gjera før lunsj eigentleg, så eg gjekk i treningsrommet og fekk meg ein liten time på spinningsykkelen (6×3min styrketrakk) og litt styrketrening i tillegg. Etter lunsj var det vidare arbeid frå i går med mottakarane. Vi delte oss opp litt, men det blei ikkje noko av planane om arbeid på toppdekk. For mykje vind og for lite sol (og endo varmare enn på det dekket vi arbeida på) gjorde at vi droppa det. Rett etter lunsj hadde vi og prøving av overlevelsesdrakter. Det var veldig varmt. Uansett, vi delte oss som sagt opp der ei gruppe gjorde vedlikehald av mottakarane medan den andre dreiv testing av dei. Vi kom vel ikkje så langt vi ville med testinga. Det tek litt tid med dei som ikkje fungerar. Dei som fungerar er testa og godkjent på femten minutt, medan dei som ikkje fungerar tek “litt” lengre tid. Ein brukte vi 3 timar på. Men vi blei ferdig med det vedlikehaldet vi kan gjera på mottakarane før testing på alle, så no e da bare testing igjen Heldigvis, for å jobba med vedlikehaldet av mottakarane er varmt og slitsomt. Trur det var omlag 35 grader der vi jobba i dag, og sikkert oppmot 100% luftfuktigheit. Svetten sila i strie straumar sjølv om eg nesten sat i ro. Blei ikkje betre av å slita og bruka masse krefter på å få ting i hop.
Eg har fått trent litt i kveld og, fyrst rodde eg 3000 meter på romaskina, så jogga eg i 20 minutt (nokså roleg, to 800 meter intervall, men hadde litt vondt i eine kneet) og så avslutta eg med å ro 2000 meter til.
No e eg ganske så klar for å sovca litt, i alle fall om eg les eit kapitel i boka og (nærmar meg slutten no, bare omlag 250 sider igjen…). Blir nok ein lang dag i morgon. Etter planen tidlegare i veka skulle vi vera framme ved prøveområdet ved lunsjtider i morgon, men sidan alle planar har det med å sprekka på denna turen (meir straum i mot enn vi hadde håpa på, har bare hatt omlag 9,5 knop framover) så kjem vi nok ikkje fram før rundt middagstider, og då blir klokko fort midnatt før vi er ferdige. Om alt fungerar. Noko eg tvilar litt på at det kjem til å gjera på første forsøk Så no e da leggetid.
Tusen takk til alle som skriv epost til meg og helsingar her, veldig kjekt å få, og beklagar at eg ikkje e so flink til å svara sjølv.
Posisjon i kveld: 4g57′ N og 50g16′ W.
9. februar
Då er vi i gang Har fått “droppa” prøvemottakaren (receiver er terminologien brukt her) og er på veg vekk for å setta ut tauefisken og antenna. Så langt har alt gått bra, men det er foreløpig den enklaste delen som er gjort. E liksom ikkje så veldig ulikt å kasta ein stein i sjøen og få den til å synka, men det er ein 200 kg tung stein så litt arbeid er det jo.
Det går og rykte ombord om at vi ikkje skal til Natal, men heller reisa rett til leiteområdet (survey area) om vi får papira i orden. Hadde jo gleda meg litt (ganske mykje) til å få litt fast grunn under føtene, og ein dag eller to på stranda i Natal hadde sikkert ikkje vore ille det heller. Men no når det likevel er så kort tid til eg skal heim (følest i alle fall som veldig kort tid) er det ikkje så gale. Båten må uansett inn til Natal før eller seinare, og om det blir seinare så blir det vel ved mannskapsbytet, så då blir det vel ei veke med arbeid før vi må inn til hamna (turen frå survey area til Natal tek eit par dagar). Og i den tida er det sikkert mogleg til å slappa av litt.
Kan henda eg skrive meir litt seinare i kveld.

10. februar
Det blei ikkje til at eg skreiv noke meir i går kveld. Var ikkje så veldig travelt, men heile tida noke å gjera eller følgja med på og læra av. Og til slutt blei det veldig seint, eg var ikkje i køya før halv fem. Sov fram til lunsj og etter lunsj prøvde eg og Ludvig å få noko fornuftig ut av data frå mottakaren vi hadde satt ut. Det brukte vi eit par timar på, og fekk vel ikkje noko lurt ut av dei. Det var ikkje ein heilt vellukka operasjon i natt uansett, vi hadde problem med vinsjen som kjelda heng i og litt med straumforsyninga til kjelda og. Men det er uansett veldig fint å oppdaga desse feila no og ikkje under produksjon. Og no er vi ikkje lenger på veg mot Natal, men mot produksjonsområdet. Så no har vi faktisk litt dårleg tid med å klargjera nok mottakarar til vi skal byrja. Så i natt byrjar vi med å gå skift. Eg skal gå natt, noko som betyr eg må få meg litt søvn, men først skal vi ha eit møte no klokko sju.
Vi har grilla på toppdekk til middag i dag og, fint og godt, men det har vore litt skyer og faktisk eit par regndråpar i dag så det er litt kjøligare (men meir enn varmt nok eigentleg).

I morgon tidleg får vi besøk av Kong Neptun, blir nok ei blanda oppleving trur eg…
Kan henda eg får tid til å skriva litt meir i løpet av natta, får sjå kor lei eg blir av mottakarar som ikkje verkar
Eg tok eit par bilete i går og lagt dei ut her.

11. februar Vi har passert ekvator i dag. Og til ei slik stor hendig kom sjølvsagt kong Neptun med følgje på besøk (eg har teke nokre bilete, og andre har teke fleire, skal prøva å få lagt ut ein del om ikkje altfor lenge). Klokko ti blei vi henta i messa og frakta opp på toppdekk. Der blei vi ført inn i eit lukka rom, men først tilfeldigvis forbi eit bord med ulike illevarslande gjenstandar… Der måtte vi (13 stykke) venta medan ein og ein blei ført ut for å gjennomføra linjedåp. Eg vart sittande igjen som sistemann. Lenge og varmt. Eg blei no til slutt henta ut og ført fram til kongen av dei sju hav. Eg kan ikkje avsløra innhaldet i sermonien i detalj i tilfelle det er nokon som les dette som ein gong hamnar i same situasjon (lite truleg…), men i generelle vendingar kan eg vel sei at det var viktig å visa respekt for kongen, det var noko å putta i munnen og svelgja det ned med. Og vatn sjølvsagt. Pluss ein ting eller to til. Uansett så er det harmlaus moro og eg har fått diplom som gjev meg rett til fri segling på dei sju hav og uhindra kryssing av “linja” med Neptun si velsigning og beskytting. Men det var godt med ein dusj og noko å drikka etterpå
Elles så har eg jobba i heile natt, noko som har gått heilt greit, og eg trur eg likar nattskiftet godt. Har fri etter tolv og då er det jo fint å slappa av ein time eller to i sola (gjorde det i dag). Og så trena litt før ein legge seg. Eg har trent litt styrke i dag og skal ta ei kort økt til før eg legge meg (ventar på ei klesvask). Dei siste tre dagane har eg hatt vondt i leggen/kneet der eg slo meg då eg datt av tredemølla. Det var heilt fint eit par dagar etter hendinga, men no blir det ikkje noko betre, nesten heller det motsette. Håpar at det hjelp å ikkje bruka beina altfor mykje eit par dagar kan hjelpa (ikkje noko jogging eller sykling )
Vi er nesten framme ved leiteområdet no og eg reknar med at skiftet før meg byrjar med å setja ut mottakarar, men det tek nok mellom eit og eit og eit halvt døger, så vi får nok øvd oss på det vi og. Om det går bra så byrjar vel vi å taua kjelda natt til tysdag eller om morgonen. Og det tek sikkert si tid det og, det er djupt og vi går med maks 2 knop. Om alt vidare går etter planen kan vi vel byrja å ta opp mottakarar etter det og byrja med prossesering av data til helga (det er det som eigentleg er jobben min )
No skal eg lesa litt meir trur eg før eg hentar klesvaska og trenar litt til og legg meg til å sova. Blir nok travelt i natt, så eg tvilar på om eg får skreve noko meir. Men eg er sikkert tilgjengeleg på msn.

12. februar

Det blir ei veldig kort oppdatering i dag, trur eg skal få tid til å skriva meir i natt om da blir behov for det. I dag, det vil seia i natt, har vi jobba mykje. Eg har arbeida med klargjeringa av mottakarane, for det meste aleine då dei andre på skiftet (3 stykk) har vore opptekne med navigasjon og kasta mottakarane på sjøen. Det har vore eit jamnt høgt tempo, og natta gjekk ganske radig unna. Elles så har eg vore endo meir plaga med kneet mitt, det er litt hovent og generelt ubehageleg. Eg prøve å belasta det minst mogleg, men det er litt vanskeleg når ein må flytta på utstyr og køyra pallejekk. Etter frukosten fekk eg litt hjelp og då var det greit at dei kunne gjera det meste av flyttinga. Etter skiftet åt eg lunsj/middag (hamburgar) og las litt i sola før eg sovna ein liten halvtime i sola. Hadde smurt meg inn med solkrem sidan eg hadde ein mistanke om at det kunne skje… No har eg trent litt styrke (ingenting på beina) og skal lesa bittelitt (veldig nær slutten i boko no) før eg forhåpentlegvis sovnar og draumer søtt til rundt halvtolv og ein ny dag/natt. Trur det kan bli mykje rolegare i natt sidan det ser ut til at skiftet som er på no får plassert ut alle mottakarane og vi kan byrja med tauing. Som sagt, litt kort, men kanskje meir seinare

13. februar
Oioioi. Eg er så trøytt Ingenting å gjera på i natt. Skiftet før oss hadde fått plassert ut resten av mottakarane og fått uti fisken, men vinsjen fungerar framleis ikkje skikkeleg, så vi har tøffa rundt i litt mindre enn 2 knop og ikkje gjort noko. Eg kunne sikkert ha kikka på fleire mottakarar og sjekka om dei fungerar som dei skal, men har ikkje lyst til å pressa kneet noko, og det hadde eg gjort ved å flytta rundt på pallar med tung last, så eg har vore i instrumentrommet i heile natt. Det har vore litt kaldt og litt kjedeleg, og no e eg som sagt veldig trøytt. Eg la meg og litt seint i går ettermiddag, men er ferdig med boka. Konklusjonen er at den var veldig skuffande, den verka lovande og “settinga” hadde potensiale til så mykje meir. Eg har no uansett byrja på ei ny bok. Denne gongen er det krim av Gert Nygårdshaug. Eg har lese ei bok av han tidlegare (ikkje så veldig lenge sidan), og blandinga av krim, litt humor og det som verkar som overnaturlege fenomen, men som (ofte) får si logiske forklaring er ganske så god. Det er og ei mykje kortare bok enn dei nesten 800 sidene i Eye of the World, så det kan jo henda eg kan byrja på endo ei bok om det blir lika lite travelt den siste veka som i kveld. Vi skal no uansett, om vi får vinsjen til å fungera, taua i eit døgn eller tre, og medan vi tauar er det ikkje så mykje spanande å ta seg til.
Etter at skiftet mitt er ferdig (klokko e no akkurat passert halv ti) trur eg eg skal smøra meg godt inn med solkrem og legga meg ut i sola. Ta med meg boka, men mest sannsynleg blir det til at eg sovnar. Uansett skal eg legga meg tidlegare enn i går.

14. februar
I natt jobba vi litt. Vi har måtta ta ombord igjen tauefisken pluss heile resten av utstyret som heng etter denne, det vil seia antenna og halefisken. Litt av ein jobb, særleg for tre stykke som ikkje har gjort det noko særleg før (eg hadde ikkje gjort det, dei to andre hadde gjort det hhv ein og tre gonger). Men vi tok det veldig roleg og forsiktig og følte vel at vi hadde ganske bra kontroll. Etter at fisken var på “land” var der feilsøking, men vi fann ikkje ut kva som kunne vera gale, i alle fall ikkje kva vi kunne gjera for å fiksa ting. Så då gjekk resten av skiftet, noko som vil seie etter frukost, roleg for seg, og eg fekk lest ut boka (Honningkrukken). Den var ganske bra, ikkje fullt so bra som den forrige eg las, som var ei bok seinare i serien. Men trur nok eg kjem til å lesa fleire av bøkene til Nygårdshaug.
Eg har som vanleg slappa av etter lunsj, såg ein episode med “The Simpsons” og byrja på ei ny bok ute i sola. Denne gongen er det “24″ boka eg kjøpte i Galveston. Har vel kome til tredje timen no, verkar ok, veldig lik fjernsynsserien i oppbygging, lett å kjenna seg igjen. Men det kan henda at eg byrjar på ei anna bok og, veit ikkje om “24″ boka er ei eg orkar å lesa samanhengande.
Eg låg som sagt i sola og las bok og hadde tenkt meg inn, men då kom Erlend opp med to pils (ikkje pils, men alkoholfritt øl som er det einaste som er lov ombord) og skulle ta eit bad i badestampen. Det høyrtest veldig fristande ut, så eg stal den eine pilsa og blei med oppi. Utruleg avslappande og veldig godt og varmt vatn. Men sjøen (det er sjøvatn i stampen) her er utruleg salt. Etterpå måtte eg sjølvsagt tørka i sola Byrjar å få bra med farge no, stort sett brunfarge, men enkelte plassar har eg ikkje vore flink nok med solkremen og har blitt “litt” raud. Men det er dei som har det verre enn meg.
Elles så har eg fått ein støttebandasje til kneet mitt i dag, og eg trur det hjelpe bra på. Hadde ikkje den då vi jobba i natt dessverre, og då hadde eg ganske vondt, men etter at eg fekk på støttebandasjen har det gått greit.
No e klokko passert halv fira, eg har faktisk tenkt å leggja meg no alt. Var ganske so trøytt rett før frukost i dag (og i går) så det er på tide med litt meir søvn enn det har vore dei siste dagane. Om vi ikkje finn ut av problema med tauefisken i løpet av kvelden og natta vil eg nok få god tid på skiftet og kan kanskje skriva meir og kan henda kan eg få tid til ei lita lett treningsøkt eller to og (ikkje noko som involvera beina endo sjølvsagt).

15. februar
Ingenting nytt å fortelja eigentleg. Vi har ikkje funne ut noke meir om kva som feilar utstyret, og det er jo ganske kjedeleg. Så eg har stort sett lest bok og surfa på internett i heile natt. Noko anna har vi fått gjort, eg og Erlend har testa ein del ulike ting med tanke på moglege feilkjelder, men har ikkje funne noko. Det er vel og snart slutt på idear, vi har testa å byta så å seie alle kablar (nye i utgangspunktet og veldig lite sannsynleg feilkjelde) som ein slags siste utvei. Men det har ikkje ført fram, så det må nødvendigvis finnast ein godt skjult utveg ein eller annan stad…
Eg tenkte eg skulle få meg litt sol etter skiftet var ferdig, og smurte meg godt inn med solkrem (snart oppbrukt) og la meg ut. Etter ti minuttar byrja det å trekka opp litt, og eg kjente eit par dråpar, men eg var fast bestemt på at farge skulle eg få i dag og, og litt vind og eit par dråpar skulle ikkje stoppa meg. Etter nokre minuttar reiste eg meg opp, såg litt ut mot horisonten, tok boka og flipp-floppane og kom meg så fort eg kunne ned frå helidekk og under tak. Rakk akkurat å unngå ei skikkeleg kraftig regnbyga. Etter den har det ikkje blitt noko særleg betre ver, så eg har lest litt meir i boka inne, og so har eg trent litt styrke.
Vi venta eigentleg besøk frå nokre inspektørar frå Brasil i dag. Dei skulle koma klokko tre, men vi har ikkje sett noko til dei endo (klokko e nesten fira), og kan ikkje sjå noko til båten deira på radar. Så då unngår vi vel dei ein dag til og kan sova trygt. Har høyrt dei kan vera ganske strenge med tolking og oppfølgjing av alle moglege reglar og vedtekter.
No har eg tenkt å ta meg ein dusj og sjå ein episode av “The Simpsons”, men eigentleg burde eg legga meg. Får sjå kva det blir til med sjåinga.

16. februar
Laaang natt i dag. Ingenting å ta seg til og då eg heller ikkje fekk sova skikkeleg i går blei det ei stund vanskeleg å halda seg vaken. Men no e klokko passert lunsj og eg har fri. Det er overskya og trist ver ute, så det blir ikkje noko soling av kroppen i dag heller. Har planar om å sova ein liten time no, og so få trent litt og eta litt kveldsmat før eg legge meg igjen.
Har fått flybillettar heim i dag, ganske skuffa øve at det blir heimreise først på fredag i neste veke og eg e ikkje i Oslo før på laurdag formiddag Men, slik er det no eingong i denne bransjen. Gleda meg i alle fall utruleg mykje til å koma heim (har eg sagt det før…). Merkar at eg til og med byrjar og bli lei maten her. Saknar vanleg brød med godt pålegg, og å laga middag sjølv (eller at Kanutte lagar som er det vanlegaste…).
Vi har no fått ombord inspektørane frå Brasil i dag, har så vidt helst på ein eller to av dei (trur det er fem av dei ombord), men har sett generelt lite til dei i dag. Det er visst ein som skal kikka etter kval og ein annan etter fuglar. Ein tredje skal sitja på radiosambandet mot omverda, det er ikkje så mange her ombord som snakkar portugisisk. Kva funksjon dei to siste har veit eg ikkje, men det har sikkert noko med å passa på at vi sorterar reine(eventuelt skylte) og skitne pappkoppar i rett bøtte.
Må nesten avslutta akkurat no før eg sovnar sittande i sofaen på lugaren, ikkje lenge til. Eg kan heller sjå om eg kjeme på noko anna å fortelja seinare i kveld.

17. februar
Klokko har akkurat passert halv sju, lite har skjedd så langt i natt. Vi har måtta ta fisken opp på dekk igjen, elles har eg/vi ikkje gjort noko. Eg har sett litt på film, ein dokumentar som heiter “The Corporation”, og den kan absolutt anbefalast. Det er faktisk mogleg å lovleg lasta den ned frå nettet, til dømes her (bittorrent).
Elles så har vi dei siste dagane fått besøk av nokre små, svarte fuglar. Dei verkar ganske forvirra og/eller sjuke. Eit par av dei flaksar omkring og kræsjar i alt mogleg rart. Anten så er dei delvis blinde elles så er dei alvorleg sjuke. Skal sjå om eg treffe fuglekikkarinspektøren og høyra om han har forklaring.
Ser ut til at det kan bli litt betre ver i dag, i alle fall litt lettare no enn i går, håpar det blir mogleg å få litt sol. Må passa på om eg legge meg ned, i alle fall om eg blir lika trøytt som i går. Då sovna eg, fullt påkledd , rett etter skiftet var ferdig og sov i nesten to timar. I tillegg la eg meg tidleg(are) og sov veldig godt, så det kan jo henda eg greie å halda meg litt meir vaken i dag. Men dagen blir jo fortare ferdig om eg søve… Siste laurdagspizzaen i dag, og det betyr at eg snart e heima
Blei ikkje sol i dag heller Så eg arbeida litt “øvetid” med å sjekka ein mottakar, og so har eg trent litt styrke ein liten time og ete litt laurdagssnop. Det var utruleg godt med salt potetgull i dag. Anna er det vel ikkje å fortelja frå dagen i dag no rett før eg legge meg. Utanom at foren min nok ikkje har det heilt bra. La merke til at den høgre leggen verka litt større enn den venstre, og so mykje større musklar har eg ikkje i den høgre i høve til den venstre. So samanlikna eg anklane. Opphovna ja Det kan jo skuldast lite blodgjennomstraumning på grunn av støttebandasjen, men eg trur eigentleg den har vore laus nok. Får sjekka når eg vaknar i kveld og har hatt han av nokre timar. Uansett får eg vera ekstra forsiktig framøve. Skikkeleg teit og frustrerande om eg ikkje kan gjera som eg vil når eg kjeme heim. Ser ikkje akkurat lyst på å ikkje ha moglegheiten til å gå på ski, sykla osv. Håpar det går bra!

18. februar
E vel ikkje noko å beretta om i dag heller. Lite eller ingenting å gjera, eller heller, lite vi orkar ta fatt på. Eg merka i alle fall at eg byrjar å bli ganske så lei av at ting ikkje fungerar, og at lysta til å ta til på andre ting ikkje er så stor som har vore og burde vera. Men vi har no likavel byrja litt på å sjekka dei mottakarane som står igjen slik at det er klart til det neste mannskapet kjem ombord.
Slik det ser ut no vil vi gå inn til Sao Louis på tysdag for å henta ein teknikar som forhåpentlegvis kan hjelpa oss til å få ting til å fungera. Vi kjeme nok til å gå ut igjen på tysdag og slik at vi kan få litt tid med fisken i sjøen medan teknikaren er her. Det er uansett ikkje meir enn 10 timar inn til land, men vi må tilpassa det til kva tid det er flo og fjære. Det er visst 6 meter skilnad her, hadde ikkje vore kjekt å bli sittande fast inne i hamna (eller kanskje det hadde vore fint…).
Elles så har vi hatt ei brannøving i dag, noko som for min del bestod i å stå ute på toppdekk i lag med nokon andre og venta. Grei pause. I natt fekk eg sett “Superman returns”, ein film som ikkje kan anbefalast på noko anna grunnlag enn at det handlar om Supermann. Ganske tynn og skuffande historie som i tillegg var dårleg fortald/filmatisert. Etter skiftet og brannøvinga har eg lege ute og lese litt i ei ny bok (ferdig med “24″-boka om eg ikkje har nemnd det), denne gongen er det Håkan Nesser si “Det grovmaskede nettet”. Spanande og bra så langt (175 sider av 250). Det kom nokre dråpar så eg måtte legga vekk boka ei lita stund, men eg såg blå himmel lenger framme så eg var fast bestemt på å ikkje gå inn. Det svara seg, og eg trur faktisk eg har fått endo litt meir farge, ikkje raud heller sjølv om eg ikkje hadde smurt meg… Eg har akkurat trent litt, ganske lite i dag, kun situp, pushup, hangup og ryggøvingar. Må la musklane få kvila litt og
No er det rett i dusjen og deretter i seng, klokko har passert fire, som er leggetid, for eit kvarter sidan.

19. februar
Endeleg! Vi har fått fisken i vatnet igjen og har byrja å taua ei linje. Kjelda har stått på i snart fire timar, så det ser ut til at det går bra Skiftet byrja skikkeleg dårleg, eg skulle sjekka mottakarar, men fann ikkje ut kva som var gale med den første. Prøvde alt mogleg, laga nye kablar (til ein signalgenerator, dei burde skiftast uansett), men ingenting hjalp. Då eg til slutt gav opp og skulle pakka saman og køyra vekk mottakaren oppdaga eg at det var gjort ein skikkeleg tåpeleg feil i testoppsettet (det var faktisk ikkje eg som hadde gjort den feilen heldigvis…), og då verka alt Ikkje lenge etter fekk vi beskjed om å gjera oss klare til å setta fisken ut og. Så då var dagen redda.
Alt dette betyr jo sjølvsagt at eg ikkje veit kva som skjer i morgon, om det blir inn til kai eller ikkje. Men den tid, den sorg. Heim på fredag skal eg no uansett, om eg so må svømma til land.
Elles så har eg ikkje gjort noko i dag. Det stemme kanskje ikkje heilt, sidan vi etter lunsj har hatt eit informasjonsmøte med kvalkikkarane der vi har lært/blitt opplyst om ein del reglar og plikter som gjeld i Brasil for operasjonen vår. Tok faktisk godt og vel to og ein halv time, men var og faktisk veldig interessant. Så no når eg har ete litt “kveldsmat” e klokko blitt halv fira alt, og eg har eigentleg lyst til å legga meg. Må vera opplagt til i natt, må nok rekna med at eg skal styra vinsjen(som fisken henge i) litt inni mellom i natt, og då gjelde det å vera oppegåande nok til ikkje køyra fisken i havbotn…

20. februar
Tysdag i dag, og det betyr at eg om 4 døgn bør vera på eit fly øve Tyskland, sånn ca. Gleda meg, for dei som ikkje skulle ha fått det med seg endo. Det var ein dårleg start på skiftet i går kveld. Eg stod opp og gjekk inn på instrumentrommet og forventa at fisken var på 2400 meters djup og alt skulle vera fryd og gammen. Sjølvsagt ikkje… Fisken var på 450 meter og på veg opp Denne gongen var det ikkje eit ukjent problem, slik som vi har slete med heilt fram til no, men eit apparat (Doppler) som måler høgda til fisken øve havbotn som ikkje fungerte. Den er ganske essensiel for å unngå det som eg nemnde avslutningsvis i går. Så vi måtte ta fisken opp og fiksa den. Noko som heldigvis gjekk ganske greit, raskt og smertefritt. Så rundt kl tre i natt var fisken på veg ned igjen Det er no (kl 11:30) ikkje så veldig lenge sidan fisken kom heilt ned (på grunn av at vi måtte snu tok det litt lengre tid), og alt ser ut til å fungera bra. Men det å køyra vinsj er litt vanskeleg… særleg i det terrenget vi har under oss. Halefisken (som sjølvsagt henge heilt bak i slepet) gjekk i havbotn ein gong, men det gjekk bra.
Alt er eigentleg ganske bra akkurat no, ikkje lenge til eg skal heim, kneet/leggen e betre enn på lenge, ting fungerar. Ute er det sol og etter lunsj skal eg ut og sola meg masse
Eg har faktisk fått trent ein liten halvtime i løpet av skiftet, men skal nok trena litt meir før eg legge meg. Kanskje kan eg få tid til å skriva litt meir og

21. februar
For eit skift! Det har gått i eit køyr heile tida. Skiftet før oss blei ferdige med tauinga av ei linja og hadde akkurat starta og ta opp nokre mottakarar. Resten tok vi opp i løpet av natta. Hektisk og travelt, men og gøy at vi endeleg fekk data (i tillegg til å vera med å ta opp mottakarane skulle eg og prosessera data). Min jobb var å få kasta uti ein krok og få tak i mottakaraen og hekta den fast i vinsjen. Første gjekk veldig lett, dei neste var mykje verre. Heldigvis roa veret seg litt (det var ikkje veldig mykje bølgjer uansett, men eit slit likavel) og dei siste gjekk minst lika lett som den første, sjølv om vi då bare var to, og ikkje fira som er normalt på ein slik operasjon.
Eigentleg er det ikkje så mykje meir å fortelja, vi skal ha eit møte om eit par minuttar, og då får vi sikkert greie på kva som skjer vidare i dag og natt, vi skal uansett til kai i morgon (seinast kl 1755). Eg er ganske sleten og trøytt, blir nok ikkje trening på meg i dag, kanskje litt soling før eg legge meg.
Snart, snart, veldig snart, så e eg heima!

22. februar
På veg mot land. Meir e da vel ikkje å seia
Greide å forsova meg til skiftet i natt… Alarmen var på, eg e ganske sikker på da, men av ein eller annan grunn ringte den ikkje. Så då blei eg vekt av at Erlend ringte inn på lugaren klokko halv to… tabbe. Gjekk bra då, var med og tok opp fisken, og Erlend kunne meddela styrmannen øve radioen: “The fish is on deck. You can go to the place where they have beer now.”. Deileg kjensle å endeleg vera ferdig, og spesielt at vi faktisk fekk litt resultat til slutt. Resten av tida før vi kjeme til land kjeme vel til å gå med til rapportskriving og rydding og vasking rundt omkring.
Vi skal av båten i kveld og inn på hotell, det blir bra. Satsar på at det ikkje tek altfor lang tid med tollklarering og andre sjekkar av båten, slik at vi kanskje kan få oss ein tur ut og.

23. februar
kom meg opp, blei eit par øl, men mange fleire på dei fleste andre.
seint frå båten
ikkje postkort dessverre
regn
fattig, fattig by
videobutikk, bank og bensin som har nye bygningar (sellers of dreams)
dårlege vegar
lang tur heim, men stykka opp av mellomlanding